Biz referendumga befarq emasmiz va uni uyushqoqlik bilan oʻtkazamiz!

Mamlakatimiz ulkan ijtimoiy-siyosiy voqealik arafasida turibdi. 30-aprelda Oʻzbekiston Respublikasining yangi tahrirdagi Konstitutsiyasi boʻyicha umumxalq referendumi oʻtkaziladi. Bu jarayonga tayyorgarlik ishlari Namangan viloyatida ham qizgʻin bo'lib bormoqda. Aholi oʻrtasida yurtimiz taraqqiyotining huquqiy poydevorini oʻzida mujassam qilgan mazkur hujjat keng targʻib qilinmoqda. Bu borada hududdagi “Adolat” SDP faollari ham jonbozlik koʻrsatmoqdalar.

Xususan, "Adolat" SDP Namangan shahar Kengashi "Yosh adolatchilar qanoti" raisi, "Yoshlar parlamenti" a'zosi Abbosbek Usmonxo'jayev tomonidan Namangan shahridagi 1-sonli Davlat ixtisoslashtirilgan umumta'lim maktabida davra suhbati tashkil etildi.