“Biz sogʻlom turmush tarafdorimiz”

 “Adolat” SDP Kogon shahar Kengashi Kogon shahar ixtisoslashtirilgan agentlik maktabi faollari bilan hamkorlikda “Biz sogʻlom turmush tarafdorimiz” mavzusida mazkur maktab oʻquvchilari ishtirokida davra suhbati boʻlib oʻtdi.

Tadbirda Kogon shahar Kengashi “Ayollar qanoti” raisi Dilfuza Adizova tomonidan oʻquvchi yoshlarga sogʻlom turmush tarziga rioya qilishga oid video rolik qoʻyib berildi. Unda sogʻlom turmush tarzi qoidalariga rioya qilish uchun nimalar qilish kerakligi, organizmni kasalliklardan himoyalash yoʻllari va tibbiy madaniyat toʻgʻrisida tushunchalar berildi.

Bundan tashqari sogʻlom turmush tarzini tashkil qiluvchi asosiy komponentlar — toʻgʻri ovqatlanish, shaxsiy gigiyena qoidalariga rioya qilish, faol harakat, zararli odatlardan voz kechish, ruhiy salomatlik toʻgʻrisida ham koʻrsatib oʻtildi.

Uchrashuv soʻngida oʻquvchilarni qiziqtirgan savollarga faollar tomonidan javob berildi.      

                                                            Mohigul Rahimqulova,

                      “Adolat” SDP Buxoro viloyat Kengashi matbuot kotibi.