Boʻlajak filologlar yangi tahrirdagi Konstitutsiyani koʻtarinkilik bilan qoʻllab-quvvatlashdi

Bugun Urganch davlat universiteti «Filologiya» fakultetida «Adolat» SDP Xorazm viloyat hamda Urganch shahar Kengashlari hamkorligida boʻlajak filologlar, professor oʻqituvchi va olimlar bilan yangilanayotgan Konstitutsiyaning mazmun va mohiyatiga bagʻishlangan targʻibot tadbiri ham boʻlajak ishtirokchilarning faolligida koʻtarinkilik bilan boʻlib oʻtdi.

Tadbirni UrDU Filologiya fakulteti dekani, filologiya fanlari doktori Dilmurod Gʻayipov kirish soʻzi bilan ochib, «Adolat» sotsial-demokratik partiyasi mamlakatimizning ijtimoiy-siyosiy hayotida munosib oʻrin egallab kelayotgan faol partiyalardan biri ekanini taʼkidlab, «Oʻzbekiston Respublikasi Konstitutsiyasiga oʻzgartirish va qoʻshimchalar kiritilgani va ayni kunlarda olib borilayotgan targʻibot tadbirlari va Bosh Qomusimizning mazmun va mohiyati toʻgʻrisida gapirdi.

Shundan soʻng soʻzga chiqqan URDU «Oʻzbek tilshunoslik kafedrasi professori, filologiya fanlar doktori Zarifboy Doʻsimov, A.Oʻrazboyev hamda S.Sariyevlar soʻzining dastavvalida «Adolat» SDP faoliyatiga ijobiy fikrlarini bildirishdi va yangilanayotgan Konstitutsiyaning mazmun va mohiyati, undan oʻrin olgan hayotiy va xalqchil normalar, oʻzlari bosib oʻtgan qiyinchilikli ammo ibratli hayot yoʻllari va faoliyati toʻgʻrisida gapirib, bir qator misollar bilan tushunchalar berishdi.

Viloyat Kengashi matbuot kotibi Z.Abdullayeva soʻzida yangi tahrirdagi Konstitutsiya loyihasiga kiritilgan yangi normalar negizida inson qadr-qimmati, farovon hayoti, yoshlarning porloq kelajagini taʼminlovchi hujjat sifatida qabul qilinayotgani toʻgʻrisida gapirdi va ushbu gʻoyalar partiyaning saylovoldi dasturi bilan hamohang ekanini taʼkidlab atroflicha maʼlumot berdi.

Partiya tomonidan amalga oshirilayotgan islohotlar, iqtidorli yoshlarni qoʻllab-quvvatlashdagi tashabbuslari ishtirokchilar tomonidan ham qayd etib oʻtildi.

Tadbir konstitutsion fikr va mulohazalar, savol-javoblar asosida samarali boʻlib oʻtgan tadbir soʻngida boʻlajak filologlar joriy yilning 30-aprel kuni boʻlib oʻtadigan referendumda Vatanimiz kelajagi uchun ovoz berishini bildirishdi.

Bir soʻz bilan aytganda, faollar tomonidan olib borilayotgan yangilanayotgan konstitutsiyaviy targʻibot tadbirlari kelajak uchun ovoz berishda xizmat qiladi.

Vohada bu kabi tadbirlar izchillik bilan davom etmoqda.

Rustam BOLTAYEV,
«Adolat» SDP
Urganch shahar Kengashi raisi,
deputat