Bolaga ham mehr, ham eʼtibor kerak...

Koʻchada qoʻshni ayolni uchratib qoldim. Mahalladagi savdo doʻkonidan bir talay energetik va turli firmalarning chips mahsulotlarini xarid qilib qaytayotgan ekan.

- Ey, katta oʻgʻlim chipslarni yeyaverib oshqozoni ogʻriydigan boʻlib qoldi, ovqat ye desam yemaydi, telefon oʻynab oʻtirib, shularni yeb qoʻya qoladi, energetiksiz esa turolmaydi, deydi.-Ovqat qilsangiz boʻlmaydimi? -deb soʻradim.

-Ey, qiziqsiz-a!Hozir “yetkazib berish xizmati” koʻpayib ketgan. Ovqat qilib joningizni qiynashni keragi yoʻq...

Gapirsangiz gapni uqmaydigan qoʻshnimni 12 yoshli farzandini oradan bir necha kun oʻtmay koʻp energetik isteʼmol qilgani uchun yurak xuruji bilan “tez yordam” mashinasida kasalxonaga olib ketishdi.

Kattalarni eʼtiborsizligi tufayli bolalarimiz dard chekmasligi zarur. Sogʻlom ovqatlanishlariga eng avvalo, ota –onalar va maktab va maktabgacha taʼlim tashkilotlarida jiddiy eʼtibor qaratish zarur, -deydi “Adolat” SDP Uchkoʻprik tuman Kengashi raisi Odinaxon Xakimova tumandagi 31 MTT xodimlari bilan suhbatda. Bugungi kunda aholining 56 foizida ortiqcha vazn, 30 foizida surunkali kasalliklar bor.

“Aholining sogʻlom ovqatlanishini taʼminlash boʻyicha qoʻshimcha chora-tadbirlar toʻgʻrisida”gi Oʻzbekiston Respublikasi Prezidentining qarori ijrosi doirasidagi vazifalar belgilab olindi. Yoshlar va xotin-qizlar orasida “Toʻgʻri ovqatlanish va sogʻlom turmush tarzi” mavzusida targʻibot tadbirlari davom etadi.

Adolat” SDP

Fargʻona viloyat kengashi Matbuot xizmati.