Bolalar salomatligi uchun!

Oʻzbekiston “Adolat” sotsial-demokratik partiyasi Toshkent viloyati Kengashi tomonidan joriy yilning 31-may kuni Olmaliq shahar Koʻp tarmoqli markaziy poliklinikasi qon quyish boʻlimida “1-iyun – Xalqaro bolalarni himoya qilish kuni” munosabati bilan “Bor mehrimiz senga, bolajon” shiori ostida begʻaraz donorlik xayriya aksiyasi oʻtkazildi.

Unda Oʻzbekiston “Adolat” SDP Toshkent viloyati Kengashi xodimlari, Xalq deputatlari Toshkent viloyati tuman va shahar Kengashlari deputatlari, shahar va tuman Kengashlari raislari, partiya faollari, koʻngillilar, yoshlar, mahalliy OAV vakillari ishtirok etishdi.

Tadbirdan koʻzlangan maqsad, Oʻzbekiston “Adolat” SDPning saylovoldi dasturida belgilangan xalqimiz salomatligini asrash, tibbiy xizmat sifatini yaxshilash, tibbiy-ijtimoiy koʻmakka muhtoj bolalarni qoʻllab-quvvatlash, fuqarolarni koʻngilli ravishda qon topshirishga chaqirish orqali bemor bolalarning hayotini saqlab qolish, jamiyatda insonparvarlik va mehr-oqibat gʻoyalarini targʻib qilishdan iborat.

Tibbiy-ijtimoiy koʻmakka muhtoj bolalarni qoʻllab-quvvatlash, fuqarolarni koʻngilli ravishda qon topshirishga chaqirish orqali bemor bolalarning hayotini saqlab qolish, jamiyatda insonparvarlik va mehr-oqibat gʻoyalarini targʻib qilishga qaratilganligi bilan ijtimoiy ahamiyatga ega jarayondir.

Butun insoniyat eng qimmatbaho neʼmat boʻlgan qonni begʻaraz ravishda hayoti qil ustida turgan minglab bemorlarni saqlab qolish maqsadida topshiradigan kishilar oldida bosh egadi.

“Adolat” SDP Toshkent viloyati Kengashi Matbuot xizmati.