Bolalarga nisbatan zoʻravonlik kechirilmaydi

Qonun ustuvorligi “Adolat” SDPning boshmaqsadi. Shu maʼnoda qonunchiligimizga kiritilayotgan oʻzgarishlarga “adolatchilar” befarq qaramayotgani bejiz emas. Ayni kunlarda jamoatchilik muhokamasiga qoʻyilgan “Bolalarni zoʻravonlikning barcha shakllaridan himoya qilish toʻgʻrisida”gi qonun loyihasini oʻrganishda ham partiyadoshlarimiz faollik koʻrsatmoqda.

“Adolat” SDP Andijon tuman kengashi tomonidan Andijon qishloq xoʻjaligi va agrotexnologiyalar institutida oʻtkazilgan tadbir shu mavzuga bagʻishlandi. Dastlab ishtirokchilar qonun loyihasi bilan tanishtirildi. Shundan soʻng mutaxassislarning bu boradagi fikr va mulohazalari eshitildi.

Obidjon Sarmonov, partiya faoli:

-Amaldagi qonunchilikka koʻra bolaning hayoti yoki sogʻligʻiga xavf tugʻilganidan, uning huquqlari, erkinliklari va qonuniy manfaatlari buzilganligidan xabardor boʻlgan shaxslar bolalarni birinchi navbatda zoʻravonlikdan himoya qilishi, agar buning imkoni boʻlmasa, zudlik bilan vakolatli organlarga murojaat qilishi lozim. Bolalarga nisbatan qilinayotgan zoʻravonlikka beparvolik yoki befarqlik ham bolalarga nisbatan zoʻravonlik hisoblanadi. Qonun loyihasida endilikda bu boradagi harakatlar qonuniy bahosini olishi koʻzda tutilmoqda. Bu ayni vaqtda jamoatchilik zimmasidagi masʼuliyatni ham oshiradi.

 Tadbir savol-javoblarga boy boʻldi. Ishtirokchilar zoʻravonlikni oldini olishni oiladan boshlash lozim, deya taʼkidladilar.

“Adolat” SDP Andijon viloyati kengashi

Matbuot xizmati.