Buxoroda temiryoʻlchilar bayrami nishonlandi

Temiryoʻllar — yurtimiz iqtisodiyotining “yuragi” hisoblanadi. Zero aholining bir manzildan ikkinchisiga hech bir qiyinchiliksiz yetib olishida, mamlakatimizda ishlab chiqarilayotgan tovar hamda mahsulotlarning xorijiy davlatlarga eksport qilinishida temir yoʻllar eng asosiy transport yoʻlagi vazifasini oʻtayotgani barchaga birdek maʼlum.

Oʻzbekiston Respublikasi Prezidenti Shavkat Mirziyoyevning 2017 yil 2 avgustdagi “Oʻzbekiston Respublikasi temir yoʻl transporti xodimlari kunini nishonlash toʻgʻrisida”gi farmoniga asosan ushbu tizim ishchi-xodimlari bu yilgi kasb bayramini 7 bor rasman nishonlashmoqda.

Shu munosabat bilan joriy yilining 4 avgust kuni Kogon shahridagi “Oʻztemiryoʻlyoʻlovchi” AJga qarashli “Buxoro elektr bilan taʼminlash distansiyasi”da “Temiryoʻlchilar” kuniga bagʻishlab partiyaning viloyat hamda shahar Kengashi hamkorligida tadbir tashkil etildi.
Tadbirda “Buxoro elektr bilan taʼminlash distansiyasi” rahbari Rajab Ashurov, Xalq deputatlari Kogon shahar Kengashi deputati Hakimov Jobir Jabborovich, partiya faollari hamda temiryoʻlchilar ishtirok etishdi.

Partiyaning faxriy yorliq hamda esdalik sovgʻalari bilan temir yoʻl sohasida fidokorona xizmat qilgan bir guruh temiryoʻl xodimlari taqdirlandi.

Mohigul Rahimqulova
“Adolat”SDP Buxoro viloyat Kengashi matbuot kotibi.