Buyuklar beshigin tebratgan ayol...

Ayol bir qoʻli bilan beshikni, bir qoʻli bilan dunyoni tebratishga qodir, degan xalqimizning bebaho naqli bor. Zero, mamlakatimizda xotin-qizlar va erkaklar uchun teng huquq hamda imkoniyatlarga erishish, jamiyat va davlat ishlarini boshqarishda ularning teng ishtirok etishini taʼminlash, xotin-qizlarni ijtimoiy-huquqiy jihatdan qoʻllab-quvvatlash, shuningdek, xotin-qizlarni tazyiq va zoʻravonliklardan himoya qilishga qaratilgan keng koʻlamli islohotlar amalga oshirilyapti. Bu borada 25 ta qonun hujjatlari qabul qilindi.

"Adolat" SDP Quva tumani Kengashi raisi Shohista Mamajonova tumandagi eng faol ayollarni partiya saflarida birlashtirgan holda 2030 yilga qadar Oʻzbekiston Respublikasida gender tengligiga erishish strategiyasining ustuvor yoʻnalishlarini keng targʻib qilish borasida aniq vazifalarni belgilab oldilar. Tumandagi har bir mahallalarda, korxona, tashkilotlarda, jamoat joylarida xotin-qizlarga yaqin koʻmakchi boʻlib, ularni jamiyatda va oilada oʻz oʻrnilarini topib, baxtli yashashlari uchun maʼnaviy –maʼrifiy, huquqiy suhbatlarni olib borishmoqda.

“Adolat” SDP

Farg’ona viloyat  kengashi Matbuot xizmati.