Byudjet mablagʻlari oʻrinli sarflanyaptimi?

Deputatlar faoliyatida jamoatchilik nazorati alohida oʻrin egallaydi. Aytish mumkinki, davlat mablagʻlarini qanchalik oʻrinli sarflanayotganini ular tomonidan oʻrganilishi bu borada samarali qadamlardan biridir.

Oliy Majlis Qonunchilik palatasi deputati Mavluda Adhamjonova ayni shu maqsadda Andijon tumanida davlat byudjetidan ajratilgan mablagʻlar hisobidan ijtimoiy soha obyektlarini qurish, rekonstruksiya qilish, joriy va mukammal taʼmirlash ishlarini oʻrganmoqda. Davlatmiz tomonidan taʼlim va tibbiyot muassasalarini zamonaviy qiyofaga kiritish dolzarb vazifaga aylandiki, bunga quruvchilar ham “labbay” deya javob berishi zarur.

Tumandagi Baxt MFY hududida barpo etilayotgan Prezident maktabida olib borilayotgan ishlar deputat eʼtiborini tortdi. Barcha ishlar talab darajasida, mutaxassislar nazorati ostida amalga oshirilmoqda. Ayni vaqtda obyektda 90 foiz ishlar yakunlangan. Pardozlash ishlarini olib borayotgan bunyodkorlar kelajak avlod uchun qad rostlayotgan binoning har bir nuqtasini standartlar darajasida boʻlishiga erishmoqda.

Rustamjon Zokirov rahbarligidagi “Paxtaobod sifat qurilish” MCHJ quruvchilar jamoasi asosiy binoni shu oy oxirida topshirish harakatida. 1-chorak yakuni bilan stadion ham topshiriladi.

Jamoatchilik nazorati davom etmoqda.

“Adolat” SDP Andijon viloyat kengashi
Matbuot xizmati.