Chempionlar muborakbod etildi

Joriy yilning aprel oyida sportning erkin kurash turi boʻyicha Maxsud Veysalov Osiyo chempionati bronza medali sohibiga aylangan boʻlsa, Xitoy davlatining Xan jau shahrida boʻlib oʻtgan kurash boʻyicha Osiyo chempionatida Ulboʻsin Hakimova oltin medalni qoʻlga kiritdi.

Bugun 2- may kuni Sirdaryo tumani “Yangiobod” mahallasida shu mahallada tugʻilib oʻsgan ikki nafar chempion sportchilar Maxsud Veysalov hamda Ulboʻsin Hakimovalar bilan 20-umumtaʼlim maktabida uchrashuv tashkil etildi. Unda “Adolat” SDP Sirdaryo viloyat Kengashi deputati S.Elmurodov, Oʻzbekistonda xizmat koʻrsatgan sport ustasi, murabbiy, Oʻzbekiston Respublikasi prezident huzuridagi davlat va jamiyat boshqaruv akademiyasi jismoniy tarbiya kafedrasi mudiri sirdaryolik aktyor va chempion Aʼzam Shokirjonov ham ishtirok etdi.

Uchrashuvda mahalla ahli, faxriylar, murabbiylar, sport maktabi vakillari soʻzga chiqib, ikki sportchida bundan-da yuqori marralarga erishib yurishlarini tilashdi. Oʻquvchi yoshlar tomonidan berilgan savollarga sportchilar tomonidan javoblar berildi. Shuningdek, tadbir davomida bu ikki yosh iqtidorli sportchiga tuman hokimligining qimmatbaho esdalik sovgʻalari topshirildi.

“Adolat” SDP Sirdaryo viloyat kengashi matbuot xizmati.