Deputat aralashgach, Mirishkorda chorva klasteri tashkil etiladigan boʻldi

Oliy Majlis Qonunchilik palatasi deputati, “Adolat” SDP fraksiyasi aʼzosi Maxfurat Xushvaqtovaning bu galgi saylovchilar bilan uchrashuvi ham samarali kechdi. Deputat Muborak tumanidagi Amir Temur MFY da joylashgan 17- maktabgacha taʼlim muassasasida  oʻtkazgan yuzma-yuz muloqotida ham ota-onalar va bogʻcha jamoasini qiynab kelayotgan muammoga yechim topish imkonini berdi. Uchrashuvda bogʻcha mudirasi Shahnoza Sherboboyeva maktabgacha tayyorlov boʻlimini ochish uchun qattiq va yumshoq jihozlar yetishmayotganligidan shikoyat qildi. Deputat bu muammo yuzasidan tuman moliya boʻlimi boshligʻi Bozor Sodiqov bilan bogʻlanib, maktabgacha taʼlim muassasasiga 50 million soʻmlik jihozlar keltirilishiga yordam berdi.

Shuningdek, deputat Mirishkor tumanidagi “Chorva” MCHJ chorvadorlari huzurida ham boʻldi. Ularning yutuq va muammolari bilan qiziqdi. Jamiyatda shu kecha kunduzda 300 dan ortiq qoramol parvarishlanayotgan boʻlsa, shundan 100 boshi chet davlatlardan olib kelingan zotdor sigirlardir. Chorvadorlarning samarali mehnatlari evaziga har kuni bir tonnagacha sut aholiga yetkazib berilyapti. Bundan tashqari yangi yil arafasida aholi dasturxoniga 9 tonna goʻsht arzon narxlarda tortiq etildi. Uchrashuvda “Chorva” MCHJ rahbari deputatga Mirishkor tumanida chorva klasteri ochishga yordam berishini iltimos qildi. Deputat Maxfurat Xushvaqtova bu masalani tuman hokimi Sherali Sanayev bilan gaplashib, hal etdi.

Oʻzbekiston “Adolat” SDP

Qashqadaryo viloyat kengashi Matbuot xizmati.