Deputat aralashgach, oilaviy shifoxona taʼmiri yakunlanib, zarur jihozlar bilan taʼminlandi

Muborak tumanidagi Sariq qishlogʻi 2019-yil Obod qishloq dasturiga kiritilib, keng koʻlamdagi obodonlashtirish va qurilish ishlari amalga oshirilgan edi. Biroq mablagʻ toʻliq shakllanmaganligi tufayli qishloqdagi oilaviy shifoxona taʼmirlanmasdan qolib ketdi.

— Qariyb toʻrt yildirki, oilaviy shifoxonamiz eʼtiborsiz tashlab qoʻyildi,- deydi oilaviy shifoxona bosh shifokori R.Toshpoʻlatov. — Vaqtida tegishli idoralarga murojaat qildik. Afsuski, natija boʻlmadi. Hech qaysi idora masʼullari bizni arzimizni tinglamadi. Shundan soʻng Oliy Majlis Qonunchilik palatasi deputati Maxfirat Xushvaqtovaga murojaat qildik. U kishining bevosita beminnat koʻmaklari va saʼy harakatlari bilan qurilishga masʼul tashkilotlar oilaviy shifoxonamiz taʼmiri uchun pul mablagʻlarini shakllantirib berishdi. Tez kunda oilaviy shifoxonamiz zamonaviy qiyofa kasb etdi. Bemorlarga tibbiy xizmat koʻrsatiladigan xonalarimiz toʻliq zamonaviy jihozlar va tibbiy asbob-uskunalar bilan jihozlandi. Isitish sovitish tizimi ham yangilandi.

Biz oilaviy shifoxona xodimlari qolaversa, butun qishlogʻimiz ahli deputat Maxfurat Xushvaqtovaning elimizga nafi tegadigan muassasalarni barpo etish, taʼmirlash ishlariga koʻrsatayotgan yordamidan cheksiz minnatdormiz.

Shu kecha-kunduzda shaharlarnikidan aslo qolishmaydigan, har tomonlama talablarga javob beradigan oilaviy shifoxonada tibbiyot xodimlari qishloq aholisiga namunali xizmat koʻrsatyaptilar. Qishloqning keksayu yoshlari esa bu kabi xayrli va savobli ishlarning boshida turgan partiyadoshimiz Maxfurat Xushvaqtovaga minnatdorchilik izhor etishyapti.  

Oʻzbekiston “Adolat” SDP Qashqadaryo viloyat
Kengashi matbuot xizmati