Deputat ehtiyojmand oilalar holidan xabar oldi...

Xalq deputatlari Toshkent viloyati Kengashiga “Adolat” sotsial demokratik partiyasidan saylangan deputat Murod Gʻulomov Nurafshon shahar “Taraqqiyot” mahallasida boʻlib, aholi bilan uchrashdi. Deputat uchrashuv ishtirokchilariga qonun ijodkorligi borasidagi yangiliklari, keyingi paytlarda qabul qilinib, kuchga kirgan, qoʻshimcha va oʻzgartirishlar kiritilgan yangi qonunlar, ularning ahamiyati, mazmun-mohiyati haqida maʼlumotlar berdi. Shuningdek, Oʻzbekiston “Adolat sotsial-demokratik partiyasi dasturiy maqsad va vazifalari hamda amalga oshirilayotgan ishlar haqida gapirdi.

Uchrashuv davomida aholi vakillari deputatga oʻzlarini qiynayotgan turli masalalar, ularni hal etilishiga koʻmaklashish yuzasidan murojaat qildi.

Deputat murojaatlarni oʻrganib chiqib, tegishli tashkilotlar orqali hal qilinishini bildirdi. Shuningdek, deputat mahallaning kam taʼminlangan, ijtimoiy himoyaga muhtoj oilalarga tashrif buyurib, muammo va kamchiliklarini oʻrgandi. Jumladan, Stas Stanislav, Nekita Potapov hamda yolgʻiz ayol Oʻlmasoy Isxakova xonadonlarida boʻlib, ularning yashash sharoiti bilan tanishdi, oʻz mablagʻi hisobidan moddiy yordam koʻrsatdi.

“Adolat” SDP Toshkent viloyati Kengashi Matbuot xizmati.