Deputat fuqarolar murojaatlariga yechim topmoqda

Mamlakatimizni barqaror rivojlantirish, xalqimiz farovonligini oshirish, fuqarolarimizning oʻz hayotidan rozi boʻlib, ertangi kunga qatʼiy ishonch bilan, munosib hayot kechirishini taʼminlash boʻyicha oldimizga qoʻygan maqsad va vazifalarni izchil amalga oshirishda jamiyatning eng muhim boʻgʻini hisoblangan mahalla institutining oʻrni va ahamiyati tobora ortib bormoqda.

Mahalla jamiyatda tinchlik-totuvlik, oʻzaro hurmat, mehr-oqibat va hamjihatlik muhitini mustahkamlash, milliy urf-odat va qadriyatlarni asrab-avaylash, oilalar jinsliligini taʼminlash, sogʻlom va barkamol avlodni tarbiyalash, aholining kundalik muammolarini hal etishda xalqimizga eng yaqin ijtimoiy tuzilma hisoblanadi.

Kattaqoʻrgʻon shahar Kengashi deputati Qoʻchqorova Shahlo Botirovna tomonidan hamkor tashkilotlar ishtirokida aholi murojaatlarini tinglash uchun yigʻilish tashkil etildi. Mavjud muammolarni bartaraf etish maqsadida tashkillashtirilgan ushbu uchrashuv, deputatning oʻz saylov okrugi hududida joylashgan qator mahallalar fuqarolari ishtirokida oʻtkazildi.

Yigʻilish davomida koʻplab murojaatlar tinglanib, ularga amaliy yordam berishga kirishildi. Jumladan, fuqaro F.Jalilova ishga joylashishda muammo boʻlayotgani, fuqaro A.Shodiyeva esa yordam puli olishiga koʻmak soʻrab murojaat qildi.

Barcha oʻrganilgan muammolar yuzasidan kerakli tashkilotlarga deputatlik soʻrovlari yuborildi va shubhasiz, ushbu masalalar tez orada oʻz yechimini topadi.

Hasanova Dilafroʻz,
“Adolat” SDP Kattaqoʻrgʻon shahar Kengashi raisi.