Deputat ishtirokida yangilanayotgan Konstitutsiya xonadonlarda targ‘ib etilmoqda

Oliy Majlis Qonunchilik palatasidagi “Adolat” SDP fraksiyasi a’zosi Abdug‘ani Umirov Nishon tumanidagi “Oq oltin” MFY fuqarolari o‘rtasida yangilanayotgan Konstitutsiyaning mazmun-mohiyatini tushuntirdi. Ayniqsa partiyadoshimizning “Orzu”, “Bo‘ston” MFY xonadonlarida bo‘lib Konstitutsiyaga kiritilayotgan normalar haqida batafsil tushuntirishlar berayotgani, aholidan tushayotgan savollarga batafsil javoblar qaytarayotgani fuqarolarning huquqiy dunyo qarashi shakllanishida katta ahamiyat kasb etayotir.

- Davlat oilaning har tomonlama va to‘laqonli rivojlanishi uchun ijtimoiy, iqtisodiy, huquqiy hamda boshqa shart-sharoitlar yaratishi konstitutsiyaviy mustahkamlanmoqda,-dedi Abdug‘ani Umirov. -Albatta, ushbu normaning kiritilishi jamiyatimizda oila mustahkamligi va barqarorligi, shu bilan birgalikda mo‘tabarligini ham ta’minlashga xizmat qiladi. Yana shuni ham alohida ta’kidlamoqchimanki, endi farzandlar tarbiyasi, ularga ta’lim berish, barkamol voyaga yetkazish ham ota-onaning  majburiyati sifatida belgilanmoqda. Yurtimizda kamol topayotgan har bir  bolaning huquqlari, erkinliklari va qonuniy manfaatlarini ta’minlash hamda himoya qilish, uning jismoniy, aqliy va madaniy jihatdan to‘laqonli rivojlanishi uchun eng yaxshi shart-sharoitlarni yaratish esa davlatning burchi sifatida belgilanmoqda.

   Shuningdek deputat Konstitutsiyaning jamiyatimiz rivojidagi ulkan ahamiyati, unda har birimizning huquq va erkinliklarimiz aks etganligi xususida ham so‘z yuritib, mahalla fuqarolarini 30-aprel kuni bo‘lib o‘tadigan referendumda faol ishtirok etishga chaqirdi.

- Deputat ishtirokida barcha mahallalarimizning har bir xonadonida Konstitutsiyaga kiritilayotgan o‘zgarishlar zo‘r ko‘tarinkilik bilan o‘rganilayapti,-dedi  Xamza Abrayev.

- Ertangi farovon hayotimizni yanada yaxshilash uchun qiliayotgan ezgu ishlardan minnatdormiz. Mahaladoshlarimiz bilan referendumda albatta qatnashamiz.

                                                                         Nodir Isomov,

                                                                         deputat yordamchisi.