Deputat koʻmagi bilan transformatordagi nosozlik bartaraf etildi

Poytaxtimizdagi elektr energiyasi bilan bogʻliq muammolar va turli nosozliklar aholimizga birqancha noqulayliklarni keltirib chiqarayotgani haqida deyarli har kuni ijtimoiy tarmoqlardagi turli xabarlarda oʻqib qolamiz.

Shu mazmundagi Mirobod tuman “Oq uy” mahallasi Eski otchopar koʻchasi aholisidan Xalq deputatlari Toshkent shahar Кengashi deputati Matibayev Tashpoʻlat Baltabayevichga murojaat kelib tushdi.

Murojaat deputat tomonidan joyiga borib oʻrganilganida eski transformatorda texnik nosozlik yuzaga kelgani aniqlandi.

Deputat bu boʻyicha aholiga keng tushunchalar berdi va nosozlikni bartaraf etish uchun deputatlik nazoratini oʻrnatdi.

Shuningdek, deputat aholiga qulay boʻlishi uchun koʻchalarda yuzaga kelgan yaxmalaklarni tozalash ishlarini tashkillashtirdi.

Mehriniso YAKUBOVA,
“Adolat” SDP Toshkent shahar kengashi
Matbuot kotibi