Deputat mehnat faxriysi xonadonida boʻldi

Yakkasaroy tumanidagi Shota Rustaveli koʻchasida joylashgan xonadonlardan birida yashovchi S.A.Yersheva ancha yillardan buyon qarovsiz va boquvchisiz tarzda yashab keladi. U umri davomida koʻp yillar mehnat veterani, sogʻliqni saqlash sohasida va ayniqsa undagi kadrlar tayyorlash masalasida fidoyilarcha xizmat qilib kelgan.

Oliy Majlis Qonunchilik palatasi deputati Ye.M.Borisova okrugdagi uchrashuvlar chogʻida uning holidan ham xabar oldi. Suhbat davomida S.A.Yersheva deputatga tibbiyotdagi islohotlar va ularni amaliy hayotga tatbiq etish boʻyicha bir qancha takliflarini bildirdi.

Shuningdek, u yaqinda 85 yoshni qarshi oldi. Shu munosabat bilan deputat Ye.M.Borisova sogʻliqni saqlash fidoyisini samimiy tabrik etib, esdalik sovgʻalarini taqdim etdi.

Avzal Rahimov,

OMQP deputati yordamchisi.