Deputat saylovchilari holidan xabar oldi

Xalq deputatlari Andijon viloyat kengashi deputati Ibrohimjon Mitillayev doimiy tarzda oʻz saylov hududidagi MFY faollari bilan ijtimoiy himoyaga muhtoj va boquvchisini yoʻqotgan fuqarolarning holidan xabar olishga odatlangan. Bu ayni qish qirovli sovuq kunlarda uning saxovatli faoliyatida ham oʻz ifodasini topdi.

“Adolat” SDPning “Saxovat — benazir qadriyat” loyihasi doirasida MFYlarga kirib borgan xalq vakili keksa va yakka yolgʻiz yashovchilarga alohida eʼtibor qaratdi. Koʻmakka muhtoj oilalarga yordam qoʻlini choʻzdi.

“Al-Buhoriy” mahallasida istiqomat qiluvchi Ibodatxon Xatamova xonadoniga kirib borgan deputatni oiladagilar iliq qarshi oldilar. Suhbat chogʻida onaxonga yolgʻiz emasligi, duoda boʻlishini aytib, koʻngil soʻraldi. Oziq-ovqat mahsulotlari berilib, onaxonga quvonch ulashildi.

“Andijon” MFYda yashovchi Karimaxon Tojiboyevaning oilasi ham sovuq kunlarda qiynalib qolgandi. Deputat koʻmagi bilan xonadon egalarining oshxonasi boyidi.

Karimaxon Tojiboyeva, mehnat faxriysi:

- Bizni qadrlagan, yoʻqlaganlar kam boʻlmasin. Saxovatli insonlar bor ekan muammoga oʻrin yoʻq. Bu ishlarni boshidan turgan rahbarlarimiz ham omon boʻlsin.

“Boʻston” va “Ahmad Yassaviy” mahallalaridagi bir necha oilada ham saxovat quvonchi ufurdi. Deputatning hududlarga xayrli yurishi davom etmoqda.

“Adolat” SDP Andijon viloyat kengashi
Matbuot xizmati.