Deputat saylovchilari orasida

Maʼlumki, ayni kunlarda havo haroratining pasayib ketishi natijasida ayrim joylarda elektr, gaz va suv masalasida bir qator muammolar yuzaga kelmoqda.

Shu munosabat bilan partiyamiz deputatlari saylovchilari orasida boʻlib, ularning yashash sharoitidagi muammo va kamchiliklar yuzasidan oʻrganish ishlarini faollashtirmoqdalar. Aniqlangan muammolarning bartaraf etish choralari saylovchilarni qiyinchiliklardan xolos etmoqda.

Xususan, Xiva tuman Kengashi deputati Maqsud Eshniyozovning saylovchilari bilan bu galgi uchrashuvi ham ana shu maqsadga qaratildi.

Deputat saylovchilari bilan muloqoti davomida isitish, elektr toki va suv tizimi hamda boshqa muammolar yuzasidan yakkama-yakka suhbatlashdi.

Fuqarolar mavjud muammolar asta-sekin bartaraf etilayotganini mamnuniyat va shukronalik bilan gapirishdi.

Deputatning xivalik saylovchilar bilan muloqotlari davom etmoqda.

Shukuroy MADAMINOVA,

“Adolat” SDP Xiva tuman Kengashi raisi