Deputatimiz tanlov gʻolibi

Soʻnggi yillarda mamlakatimizda keksa avlodni ijtimoiy qoʻllab-quvvatlash,ularni sogʻlomlashtirish ishlarini samarali tashkil etish va boʻsh vaqtlarini mazmunli oʻtkazish, ijtimoiy hayotdagi faolliklarini oshirish borasida qator ishlar amalga oshirilmoqda.Mamlakatimizda keksa avlod vakillariga koʻrsatilayotgan eʼtibor va gʻamxoʻrlik, turmush sharoitini yaxshilash, huquq va manfaatlarini himoya qilish borasida olib borilayotgan ishlar yana bir pogʻona yuqoriga koʻtarildi. Prezidentimizning joriy yil 11 martdagi “Keksa avlod vakillarini har tomonlama qoʻllab-quvvatlash hamda ularning ijtimoiy faolligini oshirishga doir qoʻshimcha chora-tadbirlar toʻgʻrisida”gi qarorida nuroniylarning jamiyat hayotidagi oʻrni va rolini mustahkamlashga qaratilgan ustuvor vazifalar belgilab berildi

“Bir nuroniy oʻn yoshga masʼul” tamoyiliga muvofiq,yoshlar har bir mahalladagi hayotiy tajribaga ega boʻlgan zamonaviy fikrlaydigan faol nuroniylarga biriktirilishi belgilanib, Bunda: mahallalardagi yoshlar yetakchilari “Keksalar maslahati” guruhlari bilan birgalikda shakllantirilgan roʻyxatlar asosida oʻn nafar uyushmagan va muammoli yoshlar nuroniylarga biriktirib chiqildi; boy hayotiy tajribaga ega ziyoli, hunarmand, tadbirkor, fermer va boshqa soha vakillari boʻlgan nuroniylar hududlardagi barcha taʼlim muassasalariga biriktirildi.

“Adolat”SDP Sayxunobod tumani deputati, Sayxunobod tumani “Guliston” mahalla raisining keksalar va faxriylar ishlari boʻyicha maslahatchisi Malik Qudratovich Ahmedov ga xam mahalladan 10 nafar yosh biriktirildi.

Deputat tomonidan oʻziga biriktirilgan yoshlar bilan tizimli ishlab, kasb hunar oʻrganishlari,bandligini taʼminlash yuzasidan,muammolarini hal qilishda muntazam ish olib bordi Xususan:Kalonova Komila Holmoʻmin qizi subsidiya asosida 4 000 000 soʻmga tikuv mashinasi olib berildi. Toshbekov Husan Sherbek oʻgʻli bilan suhbat oʻtkazilganda u hozirgi kunda Toshkent toʻqimachilik va engil sanoat institutining 2-bosqichiga oʻtganligini bildirib oʻtdi. Unga yangi oʻquv yilida taʼlim krediti olishda yordam berildi, Toshbekov Murodulla Rahmatullayevich ishsiz shlakoblok ishlab chiqarish uchun uskuna olib berilishda yordam soʻrab murojaatiga asosan, 30 000 000 soʻm kreditga betonameshalka olib berildi.

“Bir nuroniy oʻn yoshga masʼul” tamoyili asosida tuman va shahar ,viloyat,Respublika miqyosida koʻrik tanlov oʻtkazilishi va gʻoliblarga pul mukofoti bilan taqdirlanishi koʻzda tutilgan.2023 yil 30 avgust sanasida viloyat “Yoshlar markazi”da koʻrik tanlovining viloyat bosqichi boʻlib oʻtdi.Koʻrik tanlovning Nizomiga muvofiq 4 shart boʻyicha eng yuqori natijani deputatimiz Malik Qudratovich Ahmedov qoʻlga kiritib ,pul mukofoti va Respublika bosqichiga yoʻllanma sohibi boʻldi. Shundan soʻng tadbirda soʻz olgan nuroniylar jamgʻarmasi Sirdaryo viloyat raisi Oʻ.Abdiev “Bir nuroniy oʻn yoshga masʼul” tamoyili asosida mahallalarda hayotiy va katta amaliy tajribaga ega boʻlgan obroʻ-eʼtiborli nuroniylar va ziyolilarni ishsiz, tarbiyasi ogʻir va muammoli yoshlarga biriktirish orqali ularni jamiyat uchun foydali insonlar boʻlib etishishlariga koʻmaklashish har bir nuroniyning insoniylik burchi, yurt obodligi, taraqqiyotiga hissa qoʻshadigan farzandlar tarbiyalash esa savob ish ekanligi alohida taʼkidlandi.Biz xam partiyamiz deputatiga tanlovning Respublika bosqichida muvaffaqiyat tilab qolamiz.

 “Adolat” SDP Sirdaryo viloyat Kengashi Matbuot xizmati.