Deputatlar faolligi- saylovchilar ishonchi

Bugungi kunda mamlakatimizda olib borilayotgan keng koʻlamli islohotlar bu albatta, xalqning farovonligini oshirish, mamlakatimizni rivojlangan davlatlar qatoridan munosib oʻringa erishishdan iboratdir. Oʻzbekiston Respublikasi Prezidenti Shavkat Mirziyoyevning Oliy Majlis va Oʻzbekiston xalqiga Murojaatnomasida xalq vakillari boʻlgan deputatlarni xalqimizga yaqinlashtirish, ularning dard-u tashvishlari bilan yashash va fuqarolarning oʻzi saylagan nomzodlariga va siyosiy partiyalarga boʻlgan ishonchini oshirish lozimligi alohida taʼkidlandi. Murojaatnomada 6 ta ustuvor yoʻnalish boʻyicha belgilab berilgan vazifalar, deputatlarning faoliyatini yanada jonlantirish, ayniqsa xalq vakillarining saylovchilar bilan uchrashuvlari, koʻtarilgan muammolarga yechim topish va uni bartaraf etish borasidagi faolligi xususida toʻxtalib oʻtildi.

Deputatlik — odamlarning ishonchi demakdir. Shu ishonchni oqlash uchun qonunlarimizda xalq noiblarining huquq va majburiyatlari, shu bilan bir qatorda daxlsizligi va faoliyatining asosiy kafolatlari belgilab qoʻyilgan.

“Xalq deputatlari viloyat, tuman va shahar Kengashi deputatining maqomi toʻgʻrisida”gi Qonun esa mahalliy Kengash deputatlarining huquqlari, majburiyatlari va deputatlik faoliyatining asosiy kafolatlarini belgilaydi. Ular tegishli Kengashlarning komissiyalariga saylash va saylanish, majlisga masalalar kiritish, masalalar yuzasidan mulohazalar bildirish, saylanadigan, tayinlanadigan va tasdiqlanadigan nomzodlar boʻyicha takliflar bildirish, soʻzga chiqish va deputatlik soʻrovi bilan murojaat qilish kabi huquqlarga ega. Ularning majburiyatlari ham qonunlarimizda belgilangan.

Oʻzbekiston “Adolat”SDP Sirdaryo viloyatida hozirgi kunda 2 nafar Oliy Majlis Qonunchilik palatasida,Viloyat Kengashida 8 nafar,mahalliy Kengashlarda 47 nafar ,Viloyatda 1 ta deputatlik guruhi, tuman va shaharlarda 9 ta deputatlik guruhi faoliyat olib bormoqda.

Sirdaryo viloyat Kengashida 3 nafar deputatimiz xususan:Qonuniylikni taʼminlash va korrupsiyaga qarshi kurashish masalalari boʻyicha doimiy komissiyasi , Ijtimoiy-madaniy rivojlanish masalalari boʻyicha doimiy komissiya, Yoshlar siyosati, xotin-qizlar va Gender tenglik masalalari boʻyicha doimiy komissiya raislari hisoblanadi.

“Adolat” SDP Sirdaryo viloyat Kengashida deputatlar guruhi rahbari Salohiddin Elmurodov Xalq deputatlari viloyat Kengashi deputatlarining faoliyatini baholash mezoni boʻyicha 5 ta siyosiy partiyalar deputatlari ichida aprel oyi hisobiga birinchi oʻrinni egalladi. Umumiy reyting natijalari boʻyicha aprel oyi yakunida 1-oʻrin “Adolat” SDP dan saylangan deputatlar oʻrtacha 29,9 ball bilan 1-oʻrinni olishdi.

Partiyamiz deputatlari 2023 yil 1 chorak hisobiga 29 ta deputatlik soʻrovi,mansabdor shaxslarni hisobotini eshitish 9 ta ,Doimiy Komissiyalarga kiritilgan masalalar soni 21 ta,Sessiyaga kiritilgan masalalar soni 3 ta ni tashkil etdi.

Xulosa oʻrnida shuni aytish kerakki deputatlar xalq bilan davlat oʻrtasida koʻprik vazifasini bajarishi lozimligi,xar qanday vaziyatda xam oʻz vakolati doirasida saylovchilarning muammo va takliflarini ijro organiga olib chiqishi,jamoatchilik nazoratini olib borishi, saylovchilar oldidagi masʼuliyatni hamisha his qilishi, halol, toʻgʻri soʻz va jurʼatli boʻlishi kerakligini hech qachon unutmasligi darkor.

“Adolat” SDP Sirdaryo viloyat kengashi Matbuot xizmati.