Deputatlar hamkorligi ijobiy samara bermoqda

Keyingi vaqtda mahalliy kengashlarning hududlarni ijtimoiy-iqtisodiy rivojlantirish, ijro etuvchi hokimiyat idoralari faoliyati ustidan nazorat oʻrnatish va jamoatchilikni oʻylantirayotgan muammolarni hal qilish borasidagi saʼy-harakatlari oʻz samarasini bermoqda. Bu mahalliy kengashlardagi deputatlarning faolligi, bilim va koʻnikmasi oshib borayotganini koʻrsatadi.

Aytish mumkinki, bu borada Oliy Majlis Qonunchilik palatasi va mahalliy kengash deputatlari oʻrtasidagi hamkorlikning roli katta. Qonunchiligimizdagi oʻzgarishlar, davlatimizning bugungi siyosati va jamiyat rivoji bilan bogʻliq vazifalar xalq vakillariga oʻz vaqtida yetkazilmoqda. Natijada hududiy kengashlarda oʻrganilib, jamoatchilikka ham yetkazilyapti.

Mavluda Adhamjonova, Oliy Majlis Qonunchilik palatasi deputati:

-Shiddat bilan rivojlanib borayotgan mamlakatimizdagi keng koʻlamli islohotlarni xalq vakillarining ishtirokisiz tasavvur etib boʻlmaydi. Oliy Majlis Qonunchilik palatasi va hududiy kengash deputatlarining hamkorligi saylovchilar bilan ishlashda oʻz samarasini bermoqda. Ayni shu maqsadda xalq deputatlari Andijon tuman kengashidagi “Adolat” SDPdan saylangan deputatlar bilan birgalikda ishlayapmiz. Hozirda Prezidentimiz Shavkat Mirziyoyevning Oliy Majlis va Oʻzbekiston xalqiga Murojaatnomasida belgilab berilgan vazifalarni joylarda ijrosiga eʼtibor qaratyapmiz. Bunda tibbiyot va taʼlim sohasidagi islohotlar samarasi chuqur oʻrganilmoqda. Maqsad shu yoʻl bilan jamoatchilik nazoratini kuchaytirish.

M.Adhamjonova boshchiligida xalq vakillari Xakan qishlogʻidagi tibbiyot va taʼlim muassasalari faoliyatini oʻrgandilar.

Zumradoy Soliyeva,

Oliy Majlis Qonunchilik palatasi deputati yordamchisi.