Deputatlar ishtirokida targʻibot tadbiri oʻtkazildi

"O'zbekiston Respublikasi Konstitutsiyasi to'g'risida"gi O'zbekiston Respublikasi Konstitutsiyaviy qonuni loyihasining mazmun va mohiyatini tushuntirish bo'yicha Xalq deputatlari Olmazor tumani Kengashida  o`quv seminar shaklida tushuntirish-targ`ibot tadbiri o'tkazildi.

Xalq deputatlari Toshkent shahar Kengashi deputati L.A.Xikmatova boshchiligida bo`lib o`tgan tadbirda Diniy qo`mita vakili O.Aripova, Jamoatchilik guruhi rahbari raisi o`rinbosari M.Nurpo`latov, Xalq deputatlari Olmazor tumani Kengashi rais o`rinbosari T.Nazarov, Xalq deputatlari Olmazor tumani kengashi kotibiyati mudiri D.Rahmatullayev, Xalq deputatlari Olmazor tumani Kengashi deputatlari, Olmazor tumani "Yoshlik"MFY raisi, Jamoatchilik guruhi kotibi S.Yunusova, tuman MFY raislari, Nuroniy va Faxriylar rais maslahatchilari, targ'ibot guruhi a'zolari hamda tuman tashkiliy mas'ullari ishtirok etishdi.

Xikmatova Luiza Anvarovna, Xalq deputatlari Toshkent shahar Kengashi deputati:

- Konstitutsiya – kelajagimiz kafolatidir. Mutaxassislarning taʼkidlashicha, Konstitutsiyamizda mazkur kafolatning belgilanishi mahallalarga oʻz hududini mustaqil boshqarish, aholi manfaatlaridan kelib chiqib, davlat bilan sheriklik asosida muammolarni hal etib borish, hududni ijtimoiy-iqtisodiy jihatdan rivojlantirish, samarali jamoatchilik nazoratini amalga oshirish, aholi farovonligini taʼminlashga muhim imkoniyatlarni taqdim etadi.

Ilhom ABDURASHIDOV,

“Adolat” SDP Olmazor tuman Kengashi raisi