Deputatlar tashabbusi bilan tibbiy koʻrik tashkil etildi

Mamlakatimizda har tomonlama sogʻlom avlodni tarbiyalashda sogʻliqni saqlash tizimining oʻrni, taʼsiri va masʼuliyatini oshirish, sogʻlom bola tarbiyasida mahalla va ijtimoiy tuzilmalarning taʼsirini yanada oshirish dolzarb vazifalardan sanaladi. Aholi salomatligini mustahkamlash yoʻlida malakali mutaxassislar koʻrigini joylarda tashkil etish, fuqarolarning sogʻligʻini nazorat qilish bilan birga ularga qulay sharoit yaratib beradi.

Bu borada partiyamiz faollari, deputatlar tomonidan tizimli ishlar yoʻlga qoʻyilib, aholi, yoshlar va bolalar ishtirokida muntazam ravishda chuqurlashtirilgan tibbiy koʻriklar tashkil etib kelinmoqda.

Jumladan, “Adolat” SDP Vobkent tuman Kengashi raisi, Xalq deputatlari tuman Kengashi deputati M.Roʻziyeva hamda Xalq deputatlari tuman Kengashi deputati D.Qodirovalar tashabbusi bilan partiyaning “Farzandlari sogʻlom yurt – qudratli boʻlur” loyihasi doirasida tumanda joylashgan 9-Maktabgacha taʼlim tashkilotida ushbu muassasasida tarbiyalanuvchi bolajonlar uchun chuqurlashtirilgan tibbiy koʻrik tashkil etildi.

Tashkil qilingan tibbiy koʻrikka tuman Koʻp tarmoqli markaziy poliklinika vrachlari jalb etilib, MTT da tarbiyalanuvchi 102 nafar bolajonlar vrachlar koʻrigidan oʻtdilar.

Mohigul Rahimqulova,

“Adolat” SDP Buxoro viloyat Kengashi matbuot kotibi.