Deputatlarimiz Respublika final bosqichiga chiqdi

Xabaringiz bor, deputatlar oʻrtasida Oʻzbekiston Respublikasi Oliy Majlis Senati tomonidan eʼlon qilingan “Parlament oʻyinlari” sport musobaqalari oʻtkazilmoqda. Kuni kecha Xalq deputatlari Olmaliq shahar Kengashi deputatlaridan iborat “Olmaliq deputatlari” jamoasi minifutbol boʻyicha Toshkent viloyatida birinchilikni qoʻlga kiritgani va Respublika mintaqaviy bosqichiga yoʻllanma olgani haqida xabar bergan edik.

Deputatlarimiz Toshkent shahridan gʻoliblikni qoʻlga kiritgan Olmazor tumani deputatlari bilan bellashdilar. Uchrashuv 4:2 hisobida Olmaliq shahri deputatlari gʻalabasi bilan yakun topdi. Endilikda jamoamiz Respublika final bosqichiga yoʻllanmani qoʻlga kiritdi.

Respublika final bosqichida deputatlarimizga omad tilaymiz!

“Adolat” SDP Toshkent viloyat Kengashi