Deputatlik guruhi yigʻilishi

“Bugungi deputat avvalgi deputatdan tubdan farq qiladi. Sababi, bugun deputatlarga katta imtiyoz va yoʻnalishlar berildi. Davlat va jamiyat hayotiga doir keng koʻlamli islohotlarni amalga oshirish, xalqimiz huquq va manfaatlarini himoya qilishda siyosiy partiya deputatlarining oʻrni juda ham katta. Hududlarni kompleks rivojlantirish, aholi farovonligini oshirish, kambagʻallikni qisqartirishga alohida eʼtibor qaratilmoqda.

Iqtisodiy-ijtimoiy sohalarni qamrab olgan koʻplab dasturlar amalga oshirilmoqda. Tadbirkorlikni rivojlantirish, aholini ish bilan taʼminlash ustuvor vazifa etib belgilangan. Aynan mana shu masalalar yuzasidan “Adolat” SDP Toyloq tuman Kengashining deputatlik guruhi tomonidan navbatdagi yigʻilish oʻtkazildi. Yigʻilishda deputatlik guruhi rahbari Nilufar Akramova tomonidan, kun tartibidagi masalalar tanishtirildi. Dastlab Konstitutsiyaviy qonun loyihasining, mazmun mohiyati yuzasidan tushuntirish ishlari olib borildi.

Shundan keyin mansabdor shaxslar hisobotlari ham eshitildi. Tuman elektr tarmoqlari korxonasi rahbari Akbar Siddiqov, tuman mahalla va nuroniylar boʻlimi oʻrinbosari M. Turayevlar amalga oshirilayotgan ishlar toʻgʻrisida gapirib oʻtdilar. Koʻrib chiqilgan barcha masalalar yuzasidan tegishli qarorlar qabul qilindi.

Martaba Quvvatova,

Xalq deputatlari Tayloq tumani Kengashi deputati.