Deputatlik guruhlari о‘z vakolatlaridan samarali foydalanishi faoliyatlarini yanada kuchaytiradi

Prezidentimiz boshchiligida mamlakatimizni yanada taraqqiy ettirish, aholini hayotdan rozi qilish, inson huquqlarini oliy qadriyat bilib, manfaatlarini himoya qilish borasida keng kо‘lamli ishlar amalga oshirilmoqda. Albatta, ushbu jarayonlarda barcha darajadagi partiya tashkilotlari va deputatlar faol ishtirok etishi zarur.

Kо‘pchilik xalq deputatlari mahalliy Kengashlaridagi partiya guruhlari hududlardagi ijtimoiy-iqtisodiy masalalarni hal qilish, ijro etuvchi hokimiyat organlari faoliyati ustidan deputatlik nazoratini olib borish, joylarda qonunlar, hukumat qarorlari ijrosi ustidan samarali deputatlik nazoratini amalga oshirishda faol ishtirok etmoqdalar.

Buni mahalliy Kengash sessiyalari kun tartibiga partiya Saylovoldi platformasida belgilangan vazifalar ijrosini ta’minlash, elektorat manfaatlarini himoya qilishga doir bir qancha masalalar kiritilib, Kengashlarning tegishli qarorlari qabul qilinmoqda. Doimiy komissiyalar yig‘ilishlarida kiritilgan masalalar muhokama qilinib, tegishli qarorlar qabul qilinishiga erishilmoqda.

Oliy Majlis Qonunchilik palatasi deputati N.Djanibekova va viloyat kengashi deputati D.Umirova hamda “Adolat” SDPning viloyat kengashi bilan hamkorlikda “Siyosiy partiyaning dasturiy maqsadlari va uning doimiy elektorati manfaatlarini hisobga olgan holda hududlarni rivojlantirish dasturidan kelib chiqib xalq deputatlari Yangiyer shahar Kengashidagi partiya guruhi faoliyatini samarali tashkil etish” mavzusida davra suhbatlari o‘tkazildi.

Suhbat chog‘ida Sirdaryo viloyati Yangiyer shahri “Adolat” SDPning deputatlik guruhi faoliyatini yanada rivojlantirish hamda deputatlarning о‘z vakolatlarini amalga oshirish kо‘nikmalarini mustahkamlash, ularning doimiy komissiyalar majlislari va sessiyalar kun tartibiga partiyaning dasturiy maqsadlari hamda elektorat manfaatlariga mos takliflar kiritish bо‘yicha tashabbuslarini kuchaytirishning amaliy mexanizmlarini takomillashtirishga alohida e’tibor qaratildi.

Hududlarni ijtimoiy-iqtisodiy rivojlantirish masalalari, partiyamiz Saylovoldi dasturining muhim yо‘nalishlarini amalga oshirishda xalq deputatlari Yangiyer shahar Kengashidagi partiyamiz guruhining qay darajada ishtirok etayotganligi, elektorat manfaatlarini rо‘yobga chiqarishda olib borayotgan ishlari muhokama qilindi. Tajribalardan kelib chiqib, partiya guruhining mahalliy vakillik organlari faoliyatiga ta’sir о‘tkazishning uslubiy jihatlari tahlil etib kelinmoqda. Bunda ularning joylarda qonun hujjatlarining ijrosi ustidan deputatlik nazoratini amalga oshirishdagi ishtirokini kuchaytirish muhim ahamiyatga ega ekani ta’kidlandi.

Shu bilan birga, deputatlarning faoliyati, ularning hududlarni iqtisodiy, ijtimoiy rivojlantirish masalalari bо‘yicha nuqtai nazarlari, tashabbus va takliflaridan aholining xabardorligini oshirish maqsadida partiya deputatlik guruhlarining ommaviy axborot vositalari bilan yaqin hamkorlikda ishlashining ahamiyati alohida aytib о‘tildi.

Deputatlar har bir murojaatga e’tiborni qaratib, muammolarga о‘z vaqtida yechim topilishiga erishmoqdalar. Jumladan, “Adolat” SDPning  Yangiyer shahar kengashi raisi F.Rasulov hamda deputatlik guruhi rahbari О‘tkir Fayziyev, deputat T.Samiyev, G‘.Raximovlar partiyaning “Muammo bilan yuzma-yuz” loyihasi doirasida shahardagi “Ma’rifat”, “Binokor”, “Davlatobod” MFYda aholi xonadonlarida bо‘lib, fuqarolarning murojaatlarini tingladi.

Muloqotlar davomida bir guruh fuqarolar murojaat qilib, amaliy yordam sо‘radi. Murojaatlar atroflicha о‘rganilib, deputatlar tomonidan shahar Obodonlashtirish boshqarmasi, elektr ta’minoti korxonasi, suv ta’minoti cheklangan jamiyati, hamda elektr tarmoqlari korxonasi rahbariyatiga deputatlik sо‘rovi yubordi. Deputatlik sо‘roviga ijobiy javoblar qaytarilib muammolar hal etildi.

Shu о‘rinda aytib о‘tish joizki, deputatlik guruhimiz tomonidan 2022/2023 yil davomida Xalq deputatlari Yangiyer  shahar Kengashining doimiy komissiyalari va sessiyalariga kiritilgan 3 ta masala yuzasidan tegishli qarorlari qabul qilindi. Shu bilan birga, deputatlarning mutasaddi tashkilotlar rahbarlari nomiga kiritgan 16 ta deputatlik sо‘rovlari asosida hamkorlikda qilingan ishlar aholi manfaatlarini ta’minlash va farovonlikka xizmat qilmoqda.

Хalq deputatlari Yangiyer shahar kengashidagi

partiya deputatlik guruhi rahbari,

О‘tkir Fayziyev