Deputatning oʻz saylovchilari bilan muloqoti

Oʻzbekiston “Adolat” SDP Furqat tumani Kengashi tomonidan hamkor tashkilotlar bilan birgalikda “Oʻzbekiston — inson qadri ulugʻlangan yurt” loyihasi doirasi tadbir tashkil etildi. Unda tumandagi “Boltakoʻl” mahalla fuqarolar yigʻini hududida yashovchi aholi vakillarining turmush sharoitlari, ish bilan bandligi va ularni qiynab kelayotgan muammolar atroflicha oʻrganib chiqildi.

Tadbir davomida Xalq deputatlari Furqat tumani Kengashi deputati Shohida Mirzaahmedova fuqarolarning murojaatlarini tinglab, joriy yilda amalga oshirilishi belgilangan hududdagi 6.9 km ichki yoʻllarni taʼmirlash loyihalarini mutaxassislar bilan birgalikda taqdimot ishlarini oʻtkazdilar.

Yuzma -yuz muloqotda oʻnlab fuqarolarning subsidiya olish, uy-joy kadastr hujjatlarini tayyorlash, ishga joylashish kabi oʻnlab muammolarini hal etish choralari koʻrildi va 6 nafar fuqarolarga huquqiy maslahatlar berildi.

“Adolat” SDP

Farg’ona viloyat kengashi Matbuot xizmati.