Donorlаr sаfi kengаymoqdа

Maʼlumki, 1-iyun “Xalqaro bolalarni himoya qilish kuni” munosabati bilan Oʻzbekiston “Аdolat” SDP Navoiy viloyat Kengashi tomonidan Navoiy viloyat Qon quyish stansiyasida partiyaning “Bor mehrimiz senga, bolajon” shiori ostida begʻaraz donorlik aksiyasi oʻtkaziladi.
Аhamiyatlisi, partiya tomonidan har yili anʼanaviy tarzda oʻtkazib kelinayotgan ushbu aksiya yildan yilga jamoatchilik orasida tobora keng ommalashib bormoqda. Bugungi aksiyada partiyaning mahalliy Kengashlardagi deputatlari, partiya faollaridan tashqari huquqni muhofaza qiluvchi organlar hamda boshqa turli soha vakillari ham faol ishtirok etdi. Jumladan, Navoiy ichki ishlar boshqarmasi rahbariyati va quyi boʻgʻinlarida xizmat oʻtayotgan xodimlarning bir guruhi ishtirok etdi.

Tibbiy-ijtimoiy koʻmakka muhtoj fuqarolarni qoʻllab-quvvatlash, insonlarni koʻngilli ravishda qon topshirishga chaqirish orqali bemorlarning hayotini saqlab qolish, jamiyatda insonparvarlik va mehr-oqibat gʻoyalarini keng targʻib qilishga qaratilgan ushbu aksiyani Navoiy viloyatida ham yuqori saviyada tashkil etilmoqda.

Ushbu tadbirning bosh maqsadi ham insonlarda qon quyish uchun xavfsiz qonning muhimligi va qon donorlarining zarurligini chuqurroq anglab yetishlarini shakllantirishdir. Qolaversa, koʻngilli donorlarning insoniyat oldidagi xizmatlarini ragʻbatlantirib, ularga minnatdorlik bildirishdan iboratdir.

Navoiy viloyat qon quyish stansiyasida mazkur aksiya doirasida partiyaning mahalliy Kengashlardagi deputatlari va partiya faollaridan iborat koʻngilli donorlardan qon qabul qilish ishlari boshlab yuborildi.
“Bor mehrimiz senga, bolajon!” shiori ostidagi begʻaraz donorlik aksiyasida begʻaraz qon topshirgan partiya faollari, deputatlari va koʻngillilar qonga muhtoj boʻlgan bemor bolajonlarga hayot bagʻishlash hamda ularning sogʻayib ketishlariga hissa qoʻshganidan mamnun boʻlishdi.

Qayd etish kerakki, partiya tomonidan bunday aksiyalar har yili ikki marotaba 3 dekabr — Xalqaro nogironlarni himoya qilish kuni hamda 1- iyun Xalqaro bolalarni himoya qilish kuni munosabati bilan oʻtkazib kelinmoqda.
Quvonarlisi, ushbu donorlik aksiyalarida ishtirok etib kelayotgan oʻnlab koʻngillilar keyinchalik doimiy donorlar safiga qoʻshilishmoqda.

Oʻzbekiston “Аdolat” SDP
Navoiy viloyat Kengashi
matbuot xizmati