Dunyo ahli eʼtirofidagi milliy matolar

Milliy atlas va adras matolarimiz bugun dunyo ahli eʼtibori va eʼtirofida ekanligi barchaga maʼlum. Xususiy tadbirkor Ibrohimjon Sultonov tashabbusi bilan Hunarmandlar markazi binosida tashkil etilgan Margʻilon ʼʼAbr matolariʼʼ hamda ʼʼGold silkʼʼ masʼuliyati cheklangan jamiyatida kooperatsiya usulida hozirgi kunda umumiy hisobda 1100 nafar xotin-qizlar doimiy ish bilan taʼminlangan.

Bugungi kunda atlas va adras matolaridan yaratilayotgan jahon va milliy andozalarga mos liboslar nafaqat respublikamiz, balki dunyo ahli eʼtirofidadir.“Adolat” SDP Fargʻona viloyat Kengashi raisi Shahnoza Gʻaniyeva korxonada boʻlib, tadbirkor Ibrohimjon Sultonov bilan kelgusi maqsad va vazifalari xususida suhbatlashdilar.

Shu jarayonda dunyoning eng rivojlangan davlatlaridan tashrif buyurgan bir guruh xorijlik mehmonlar bilan ham samimiy suhbat qurdilar.

Muloqotlar davomida Rossiya, Fransiya, Italiya, Malayziya kabi davlatlardan kelgan sayyohlarning mehnatkash xalqimizning yaratuvchanlik borasidagi yuksak salohiyati haqidagi yoqimli fikrlarini ham tingladilar.

Milliy liboslarda mehmonlar bilan esdalik uchun suratga tushdilar.

“Adolat” SDP

Farg’ona viloyat kengashi Matbuot xizmati.