Eʼzoz va ehtirom sizga, aziz onalar!

“Onalarga ehtirom” festivalining Oʻzbekiston tuman bosqichi yuqori kayfiyatda tashkil etildi. “Visol” tantanalar saroyida oʻziga xos bayram sifatida oʻtkazilgan tadbirga tumandagi barcha mahalla fuqarolar yigʻinlaridan 200 nafardan ziyod onaxonlar taklif etildi. Festivalda sektorlar rahbarlari va keng jamoatchilik vakillari ham ishtirok etdi. Samimiy mehr ifodasi, yuksak ehtirom ramzi sifatida onalarning chinakam bayramiga, shodiyonasiga aylangan festivalь doirasida turli nominatsiyalar boʻyicha gʻoliblar aniqlanib, esdalik sovgʻalari bilan taqdirlandi. Ular orasida “Adolat” SDPning faol ayollari ham borligi quvonarli albatta. Festivalь doirasidagi maʼnaviy-maʼrifiy tadbirlar, koʻrik-tanlovlar, ijodiy uchrashuvlar, turli ijtimoiy aksiyalar va konsert dasturlari tuman goʻshalarida koʻtarinki ruhda davom etmoqda.

          “Adolat” SDP Fargona viloyat kengashi Matbuot xizmati.