Ehtiyojmand oilalar hamisha eʼtiborda

“Adolat” SDP Buxoro shahar Kengashi raisi, Xalq deputatlari Buxoro shahar Kengashi deputati Ahmedov Abdurauf Negmatovich doimiy tarzda nogironligi mavjud, surunkali kasalligi bor, boquvchisini yoʻqotgan, moddiy-iqtisodiy jihatdan qiynalib ogʻir turmush sharoitiga tushib qolgan xonadonlarga yordam berib, koʻpchilikni duosini olib, muammolarga yechim topmoqda.
Oʻzbekiston Respublikasi Mustaqilligining 32-yilligi arafasida Abdurauf Ahmedov tomonidan S.Ayniy MFY sanoatchilar koʻchasida joylashgan ayollar yotoqxonasida yashovchi Sulaymonova Muslima Sayfullo qiziga 500 000 soʻm, Raxmatova Firuzaga 250 000soʻm va Urganjiyon aholi punktida yashovchi Xayitova Raʼno Asrorovnaga 250 000 soʻm miqdorida moddiy yordam koʻrsatildi, hamda huquqiy maslahatlar berildi.
Bundan tashqari deputatimiz barcha bayramlarda yordamga muhtoj ehtiyojmand xonadonlarga tashrif buyurib, ularni oziq-ovqat mahsulotlari, dori-darmon vositalari, nogironlik aravachalari bilan xursand qilib kelmoqda.
Ahmedov Abdurauf Negmatovich bugungi kunda joylarda oʻzining yuqori darajadagi samarali mehnatlari va masʼuliyatbilan mahalla tizimi xodimlari bilan birgalikda faoliyat olib bormoqdalar.

Mohigul Rahimqulova
“Adolat” SDP Buxoro viloyat Kengashi matbuot kotibi.