El salomatligi posbonlarini qutlaymiz!

12 may – Xalqaro hamshiralar kuni. Bu kasb fidoiylari haqida oʻylar ekanmiz, hamisha mehr va muhabbat bilan bilan kulib turuvchi, jonkuyar va albatta oʻz kasbining fidoiylari koʻz oldimizda gavdalanadi. Darhaqiqat, tibbiyot sohasini hamshiralar faoliyatisiz tasavvur etib boʻlmaydi. Sohadagi eng soʻnggi tibbiyot texnologiyalari asosidagi operatsiyalarni muvaffaqiyatli oʻtkazish jarayonidan tortib, operatsiyadan keyingi bemor parvarishi, laboratoriya-diagnostika sohasi, ona-bola parvarishi, shoshilinch va tez tibbiy xizmat, sanitariya-epidemiologiya, farmatsevtika kabi qator sohalarida yurtimizda faoliyat yuritib kelayotgan 300 ming nafardan ziyod oʻrta tibbiyot xodimlari, hamshiralarning oʻrni beqiyos. Shu jumladan, uyma-uy yurib, oiladagi tibbiy madaniyat darajasining yuqori boʻlishida ulkan hissa qoʻshib kelishayotgan patronaj hamshiralarning mehnati ham barchamizning ehtiromimizga munosib. Mamlakatimiz miqyosida nishonlanayotgan Hamshiralar kunida Oʻzbekiston “Adolat” SDP Fargʻona shahar Kengashi raisi Sh.Ahmedova va shahar Kengashi deputati B.Ahmadaliyevlarning shahardagi 3-oilaviy poliklinikaga tashrifi butun jamoasi quvonchiga sabab boʻldi . Samimiy qutlovlar va yurakdan aytilgan soʻzlar oq xalatli fidoiylarni kasbiga, xalqiga boʻlgan muhabbat hislarini oshiradi. Biz barcha hamshiralarni kasb bayramlari bilan qutlaymiz.

 “Adolat” SDP Fargona viloyat kengashi

Matbuot xizmati.