Endi har kimning oʻz uyi boʻladi

Yangilanayotgan Konstitutsiyamizda xalqimizning ertangi farovon hayoti uchun mustahkam huquqiy asos hamda ishonchli kafolat sifatida Oʻzbekiston “suveren, demokratik, huquqiy va ijtimoiy davlat” ekanligi Shuningdek, ushbu Konstitutsiyaviy qoidalar zamirida mustaqilligimizni asrab-avaylash va yanada mustahkamlash, kelajak avlodlarga ozod va erkin Vatan qoldirish, xalq manfaatlari koʻzlangan islohotlar yoʻlidan ortga qaytmaslik, qonun va adolat ustuvorligi, insonga eʼtibor va gʻamxoʻrlik kabi muhim qadriyatlar mujassam boʻlib, ular davlatchilikning tamal toshlari sifatida mustahkamlanmoqda desam ayni haqiqat boʻladi.

Xalqimizni bir necha yillardan buyon qiynab kelayotgan muammolardan biri bu “Snos” masalasi edi. Ayni vaqtda yangi tahrirdagi Konstitutsiyamizda “Oʻzbekiston Respublikasida barcha mulk shakllarining teng huquqliligi va huquqiy jihatdan himoya qilinishi taʼminlanishi, xususiy mulk daxlsiz ekanligi, mulkdor oʻz mol-mulkidan qonunda nazarda tutilgan hollardan va tartibdan tashqari hamda sudning qaroriga asoslanmagan holda mahrum etilishi mumkin emasligi, oʻziga tegishli boʻlgan mol-mulkka oʻz xohishicha egalik qilishi, undan foydalanishi va uni tasarruf etishi qatʼiy belgilanmoqda. Endi hech kim sudning qarorisiz va qonunga nomuvofiq holda uy-joyidan mahrum etilishi mumkin emas. Aynan uy-joyidan mahrum etilgan mulkdorga uy-joyning hamda u koʻrgan zararlarning oʻrni qonunda nazarda tutilgan hollarda va tartibda oldindan hamda teng qiymatda qoplanishi taʼminlanadi. Davlat uy-joy qurilishini ragʻbatlantiradi va uy-joyga boʻlgan huquqning amalga oshirilishi uchun shart-sharoitlar yaratadi. Aholining ijtimoiy jihatdan ehtiyojmand toifalarini uy-joy bilan taʼminlash tartibi qonun bilan belgilanib qoʻyildi.

Asosiy qonunimizga kiritilayotgan bu kabi oʻzgartish va qoʻshimchalar partiyamiz dasturiy maqsad-vazifalariga hamohangligi bizni quvontiradi va shu bilan birgalikda yanada koʻproq masʼuliyatlar yuklaydi, – desam adashmagan boʻlaman. Bu esa jamiyatimizda kambagʻallikning oldini olishga, xalq farovonligini taʼminlashga katta hissa qoʻshadi. Bu normalar asosan yosh oilalar va oilaviy sharoiti ogʻir fuqarolarga berilgan yana bir imkondir.

Tozagul Holiqova,

Xalq deputatlari Samarqand viloyat Kengashi deputati.