Ezgulik birlashtirgan yoshlar

Mamlakatimiz Prezidenti Shavkat Mirziyoyev raisligida 11- aprel kuni boʻlib oʻtgan yoshlar siyosati sohasidagi ishlar natijadorligini oshirish chora-tadbirlari yuzasidan videoselektor yigʻilishida yoshlarni har tomonlama qoʻllab-quvvatlash, ularning oʻz salohiyatini namoyon qilishi uchun zarur sharoitlar yaratish borasida muhim vazifalar belgilab berilgan edi.

Fargʻonada ham yoshlarning boʻsh vaqtlarini mazmunli tashkil etishda turli festivallar, maʼnaviy-maʼrifiy tadbirlar oʻtkazilmoqda. Toshloq tumanidagi “Besarang” mahalla fuqarolar yigʻinidagi 32-umumtaʼlim maktabida boʻlib oʻtgan mazkur anjuman ham yoshlarning katta bayramiga aylandi.

Mahalladagi uyushmagan yoshlar ishtirokida “Zakovat” intellektual oʻyini, stritbol, futbol, stol tennisi shaxmat boʻyicha sport musobaqalari, kitobxonlik kechasi tashkil etildi. Toʻrt yuzdan ziyod aholi ishtirokidagi madaniy tadbir barchaga zavq-u shavq ulashdi. Tadbirda faol ishtirok etgan jamoalar va yoshlar esdalik sovgʻalari bilan taqdirlandi.

      “Adolat” SDP Fargona viloyat kengashi Matbuot xizmati.