Faol xotin-qizlar jamiyat tayanchi

Ayol — jamiyat koʻzgusi, millat tarbiyachisi. Oilaning tinch, mustahkam va farovon boʻlishi, kelajak avlod tarbiyasi uning qoʻlida. Davlatimiz rahbari taʼkidlaganlaridek, har qanday jamiyat va davlatning qay darajada xalqparvar hamda adolatli ekani uning xotin-qizlarga boʻlgan munosabati va gʻamxoʻrligi bilan belgilanadi.

Keyingi yillarda respublikamizda xotin-qizlarning qonuniy huquq va manfaatlarini taʼminlash, ijtimoiy va siyosiy faolligini oshirishga alohida eʼtibor qaratilmoqda. Buning samarasi bugun har bir sohada xotin-qizlarning faolligi oshib borayotganida oʻz ifodasini topmoqda.

“Adolat” SDP Xonobod shahar kengashidagi partiya aʼzolari orasida ham faol xotin-qizlar koʻpchilikni tashkil etadi. Barcha jabhalarda ularning faolligini oshirish, bandligini taʼminlash va huquqiy madaniyatini yuksaltirish partiyadoshlarimiz eʼtiborida.

Partiya tashabbusi bilan oʻtkazilgan “Gender tenglik: xotin-qizlar va jamiyat” mavzusidagi tadbirda yuqoridagilar haqida soʻz bordi. Taʼlim va tibbiyotdagi islohotlar bilan bir qatorda siyosat, sanoat, tadbirkorlik va ishlab chiqarishda opa-singillarimizning roli oshib borayotgani eʼtirof etildi. Oʻz goʻzalligi bilan tanilgan Xonobodning obodligini ularning ishtirokisiz tasavvur qilish qiyin. Hulkaroy Moʻminova, “Adolat” SDP Xonabod shahar kengashi raisi:

-Chindan ham rivojlanish yoʻlidan borayotgan yangi Oʻzbekistonda ayollar mavqeyi oshib bormoqda.

Bu bugungi davlat siyosati ularni baxtli yashashi, huquq va erkinliklarini taʼminlash, maʼnaviy yuksalishi va kasbiy mahoratlarini rivojlantirishlari uchun keng imkoniyatlar yaratilganining natijasi. Ayni vaqtda opa-singillarimiz hatto hokim lavozimiga munosib topilmoqda. Avvallari gender tenglik masalasi takror-takror tilga olingan boʻlsa bugun amalda oʻz ifodasini topyapti.

Tadbir doirasida “Sizning huquqingiz” va “Oilada ayolning oʻrni” mavzusida soʻrovnoma oʻtkazildi. Faol ishtirokchilar esdalik sovgʻalari bilan taqdirlandi.

“Adolat” SDP Andijon viloyati kengashi Matbuot xizmati.