Faol yoshlar bizni tanlamoqda

“Adolat” SDP Andijon viloyat kengashi tomonidan yoshlarga alohida eʼtibor qaratib kelinmoqda. Joylarda oʻtkazilayotgan partiyaviy tadbirlarning koʻpchilik ishtirokchilari ham kelajagimiz egalaridir. Bu ularning siyosiy faolligini oshishiga, partiyamizga qiziqish uygʻonishiga sabab boʻlmoqda.

Andijon shahrida “Yangi Oʻzbekistonning tashabbuskor yoshlari” mavzusida oʻtkazilgan tadbirda ham yuqoridagilar koʻzga tashlandi. Tadbirda Respublikamizda amalga oshirilayotgan islohotlar, Yoshlar siyosati borasida qilinayotgan ishlar, iqtidor egalarining qoʻllab-quvvatlanayotgani xususida soʻz yuritildi. Oʻz oʻrnida yoshlar “Adolat” SDP faoliyati bilan tanishtirildi, partiya safidagi yosh Davlat mukofotlari sohiblari namuna sifatida eʼtirof etildi.

Oʻz oʻrnida siyosiy partiyalarning jamiyatdagi roli yuzasidan yoshlarni qiziqtirgan savollariga javob berildi. Bundan xulosa qilib, 5 nafar faol yoshlar safimizga qoʻshilish istagini bildirdi.

Muhammadamin Abdurazzoqov, Andijon shahridagi Yuridik texnikum talabasi:

- “Adolat” SDP tomonidan ilgari surilayotgan gʻoyalar menda qiziqish uygʻotdi. Kelajakda huquqshunos boʻlishni oʻz oldimga maqsad qilib qoʻyganman. Buning uchun qonunlarimizni puxta oʻrganishim lozim. “Adolat”ning bu yoʻldagi faoliyati eʼtiborli. Shu sabab partiya safiga qoʻshildim.

Tadbir yakunida yoshlarimizga partiyaning aʼzolik biletlari topshirildi.

“Adolat” SDP Andijon viloyat kengashi
Matbuot xizmati.