Faoliyat tahlil qilindi va rejalar belgilandi

“Adolat” SDP Buxoro viloyat Kengashi raisi Maqsud Hamidov boshchiligida tuzilgan ishchi guruh Kogon tuman Kengashining 9 oylik faoliyatini oʻrgandi.
Ishchi guruh tuman Kengashining faoliyatini oʻrganish davomida, partiyaning tuman Kengashi tomonidan tadbirlarni tashkil etishda hamkor tashkilotlarni jalb qilish va tadbirlarga faollarni qamrab olish koʻrsatkichi boshqa tuman (shahar) Kengashlariga nisbatan yuqori darajada, xalq bilan yuzma-yuz muloqot oʻrnatish hamda muammolarga ijobiy yechim topish maqsadida mahallalarda fuqarolar bilan doimiy ravishda muloqotlar oʻtkazilgan. Xususan, oʻtgan 9 oy davomida ishchi guruhlar tomonidan tumandagi mahallada navbatma-navbat xalq bilan yuzma-yuz muloqotlar tashkil qilindi. Mahalladagi xonadon va xoʻjalik yurituvchi subyektga tashrif buyurildi. Aholi tomonidan kelib tushgan murojaatlar yuzasidan deputatlik soʻrovlari yuborilib, murojaatlar ijobiy yechimini topdi. Tuman Kengashining 9 oylik faoliyati tanqidiy-tahliliy tarzda koʻrib chiqilib, joriy yilda amalga oshiriladigan vazifalar aniq belgilab olindi.
Shu bilan birga, joriy yilda Kengash tomonidan partiya aʼzolari safini kengaytirish, boshlangʻich partiya tashkilotlari faoliyatini yanada kuchaytirish, aʼzolik badallari tushumini tizimli yoʻlga qoʻyish va toʻliq taʼminlash, partiya faollarining siyosiy bilimlari va faolligini oshirishga ham alohida eʼtibor qaratilishini tuman Kengashi raisi Shexroz Norov taʼkidlab oʻtdi.
Uchrashuv soʻngida tartibidagi masalalar yuzasidan tegishli qarorlar qabul qilindi. Ishchi guruh tomonidan bildirilgan fikr va takliflar asosida chora-tadbirlar belgilandi.

Mohigul Rahimqulova,
“Adolat” SDP Buxoro viloyat Kengashi matbuot kotibi.