Faollarimiz ishtirokida muammolar oʻz yechimini topmoqda

Yaxshilik qilish istagidagi insonlarning atrofimizda koʻpligining oʻzi quvonarlidir. Kuni kecha partiyamizdan xalq deputatlari Pastdargʻom tuman kengashiga saylangan deputatlar hamda partiyaning Pastdargʻom tuman kengashi faollari tumandagi ijtimoiy himoyaga muhtoj xonadonlar holidan xabar olishdi. Ayozli sovuq kunlarda ularning turmush sharoiti oʻrganilib, hol — ahvol soʻraldi. Xususan, “Furqat” mahalla fuqarolar yigʻinida yashovchi 2-guruh nogironi Nazira Mingboyeva xonadonida ana shunday ezgu tashabbus oʻz ifodasini topdi. N.Mingboyeva yurtimizdagi tinchlik, farovonlikka koʻz tegmasligini soʻrab duoga qoʻl ochar ekan, deputatlarga ichimlik suvi va elektr energiyasidagi uzilishlar yuzasidan mavjud muammolarni bayon qildi. Tuman Kengashi deputati Gulfiniso Qoʻchqorova ushbu masalada mutasaddilar bilan bogʻlanib amaliy yordam berishini maʼlum qildi.

Shuningdek, “Mirzo Ulugʻbek”,“Charxin” mahalla fuqarolar yigʻini hududida elektr simlaridagi nosozliklarni bartaraf etish yuzasidan bildirilgan murojaat ham oʻrganilib, deputat Feruz Turaev tashabbusi bilan tuman elektr tarmoqlar korxonasi xodimlari ushbu masalani ijobiy hal etishga jalb etildi. Natijada mazkur muammo joyida oʻz yechimini topdi.

Hayitova Xonbuvi,
“Adolat” SDP Samarqand viloyati Pastdargʻom tuman kengashi raisi.