“Farovon hayot uchun ijtimoiy davlat kerak!”

Narpay tumani Ahillik mahalla fuqarolar yigʻini hududidagi “Oʻzbekiston Respublikasi Konstitutsiyasi toʻgʻrisida”gi Oʻzbekiston Respublikasi Konstitutsiyaviy Qonuni loyihasi boʻyicha “Farovon hayot uchun ijtimoiy davlat kerak!” mavzusida targʻibot tadbiri oʻtkazildi. Unda Xalq deputatlari Narpay tuman Kengashi deputati Nasiba Rahmonova soʻzga chiqib, Konstitutsiyada jamiyatning barcha qatlamlari manfaatlari inobatga olingani, Yangi Oʻzbekistonni qurish gʻoyasi atrofida butun jamiyat jipslashgani, Bosh Qomusimiz tom maʼnoda xalq Konstitutsiyasi boʻlayotgani, konstitutsiya loyihasidagi moddalar soni amaldagi 128 tadan 155 taga, normalar soni 275 tadan 434 taga oshganligini, xalqimiz takliflari asosida yangilanganligini taʼkidladi. Tadbir davomida “Ahillik” mahalla fuqarolar yigʻini raisi, “Adolat” sotsial demokratik partiyasi Narpay tuman kengashi raisi Jahongir Xoliqov hamda mahalla faollari ishtirok etishdi.

Yangilangan Konstitutsiya xalqimiz hayotini yanada yuksaltirishga xizmat qilishini, oʻz taqdiri, oʻz kelajagiga befarq boʻlmagan har bir fuqaro, albatta konstitutsiyaviy islohotlarni qoʻllab-quvvatlab, 30-aprel kuni oʻtkaziladigan referendumda faol ishtirok etishlari zarurdir.

“Adolat” SDP Narpay tuman kengashi Matbuot xizmati.