Farzandlari sogʻlom yurt qudratlidir

Xalqimiz bolajon. Hayot mazmunini farzandlari kelajagiga bagʻishlagan ota –onalar dilbandining maʼnaviy, ruhiy va jismoniy kamoloti uchun tinim bilmaydi. Ularni yaxshi taʼlim olib, yurt koriga yaraydigan, el ardogʻidagi insonlar boʻlib ulgʻayishini orzu qiladilar. Аfsuski, ota –onalar har qancha harakat qilmasinlar, farzandlarning ozgina loqaydligi yoki shoʻxligi natijasida yuzaga keladigan koʻngilsizliklar ularni mushkul vaziyatga solib qoʻyadi. “Аdolat” SDP Oltiariq tuman Kengashi tomonidan “Farzandlari sogʻlom yurt qudratlidir” loyihasi doirasida tumandagi “Boʻston” MFY hududida joylashgan “Barkamol avlod” bolalar maktabida tashkillangan tadbirda tuman sogʻliqni saqlash boʻlimi shifokorlari, maktab oʻqituvchilari va ota –onalar ishtirok etdilar. Yozning haroratli kunlarida oʻgʻil qizlarning taʼqiqlangan suv havzalarida choʻmilmaslik, turli toʻgaraklarga borib kelish chogʻida yoʻl harakat xavfsizligi qoidalariga amal qilishlari va isteʼmol qilinayotgan oziq-ovqat mahsulotlarining sifatiga qatʼiy rioya etish, ularning sogʻligʻiga zarar yetkazuvchi omillardan saqlanish borasida muhim tavsiyalar berildi.

“Adolat” SDP

Farg’ona viloyati kengashi Matbuot xizmati.