Farzandlari sogʻlom yurt – qudratli boʻlur

Jismonan va ruhan sogʻlom yoshlargina Vatan qudratini yanada yuksaklarga koʻtaradi. Yoz kunlaridagi havo harorati bir qadar yuqori boʻlsa-da, bu sportsevar yoshlarning istaklariga soya tashlay olmaydi. “Adolat” SDP Quva tumani Kengashi “Yosh adolatchilar” qanoti raisi Gʻayratbek Qodirjonov tashabbuskorligi va tinib tinchimasligi bilan yoshlar oʻrtasida hurmat qozongan. Gʻayratbekning tashabbusi bilan “Namuna” mahalla fuqarolar yigʻini hududidagi 67- maktabning sport zali sportsevar yoshlar bilan gavjumlashdi. “Farzandlari sogʻlom yurt – qudratli boʻlur” loyihasi doirasida sportning milliy kurash, “Karate” va qoʻl jangi boʻyicha yoshlar va oʻsmirlar oʻrtasida saralash bosqichi boʻlib oʻtdi. Qizgʻin va murosasiz kechgan har bir tur gʻoliblari partiyaning tuman Kengashi tomonidan taqdirlandi. Bu kabi musobaqalar albatta yoshlarni qoʻlni –qoʻlga berib, yagona maqsad atrofida jipslashishga xizmat qilishi bilan eʼtiborlidir.

“Adolat” SDP

Fargʻona viloyat kengashi Matbuot xizmati.