Fidoyi deputatlarimiz safi koʻpaysin!

Partiyamizning maqsad va vazifalarini hayotga tatbiq etishda, xalqning ogʻirini yengil qilishda hamda aholining turmush sharoitini yaxshilashda partiyamizdan saylangan deputatlarimizning oʻrni beqiyosdir.

Bu borada partiya Buxoro shahar Kengashi raisi hamda Xalq deputatlari shahar Kengashi deputati Abdurauf Ahmedov tomonidan partiyaning “Muammo bilan yuzma-yuz” loyihasi doirasida mahallalar kesimida fuqarolar bilan muntazam ravishda ochiq muloqotlar oʻtkazilib kelinmoqda. “Mahallabay” va “xonadonbay” ishlash tizimi boʻyicha aholi xonadonlarida boʻlib, muammo va takliflari oʻrganilmoqda, keksa nuroniylar, bemor va nogironlar hamda ehtiyojmand oilalar holidan doimiy ravishda xabar olib mushkullarini yengillashtirishda koʻmakchi boʻlmoqdalar. Sahovatpesh deputat xalq dardi bilan yashab, fuqarolarning muammolariga ijobiy yechim topishda anchagina faol deputatlarimizdan sanaladi. Deputatning saʼy-harakatlari tufayli koʻplab fuqarolarning mushkuli oson boʻlmoqda.

Xususan, deputat A.Ahmedovning navbatdagi xayrli ishga qoʻl urgani fikrimizning isbotidir. Quvonarlisi, deputat tashabbusi bilan “Varaxsha” hamda “S.Ayniy” MFY aholisining muammolarini oʻrganish jarayonida kam taʼminlangan, ehtiyojman oilalarga oziq-ovqat mahsulotlari, ularning farzandlariga qishki kiyim-kechaklar tarqatildi.

Deputatimiz Abdurauf Ahmedov nogiron, kam taʼminlangan, ehtiyojmand oilalarga doimiy ravishda xabar olib, koʻngillarini koʻtarib kelyapti. Mana shunday jonkuyar, fidoyi deputatlarimiz safi koʻpayaversin. Uning xonadonlarga tashrifi oʻksik qalblarga bir olam quvonch bagʻishlaydi, axir bir ehtiyojmand koʻnglini obod etmoq kabаni ziyorat qilmoqdan ham afzal. Mana shunday xalqni ogʻirini yengil qiladigan deputatlarimiz koʻpaysin.

Mohigul Rahimqulova,

“Adolat” SDP Buxoro viloyat Kengashi matbuot kotibi.