Fuqarolar muammolari eshitilyapti

Yurtimizda xalq bilan faol va ochiq muloqot olib borishdan ko’zlangan maqsad, avvalo inson huquq hamda manfaatlarini taʼminlash orqali xalqimizning farovon, baxtli hayot kechirishi uchun munosib shart-sharoit yaratishdan iborat. Аholi bilan doimiy muloqot qilish, fuqarolarni qiynayotgan muammolarni hal etishning samarali mexanizmi va usullari joriy etilgani mamlakatimizda amalga oshirilayotgan islohotlarning ustuvor yoʻnalishiga aylandi. Odamlarning dardini eshitish, ogʻirini yengil qilish yurtdoshlarimizning adolatga, davlatga boʻlgan ishonchini mustahkamlashga xizmat qilayotir.

“Аdolat” SDP Toyloq tuman Kengashi deputati Mahliyo Nosirova va tuman Kengashi raisi Nilufar Аkramova tomonidan tumandagi Chorbogʻtepa mahallasi fuqarolari uchun qabul oʻtkazildi. Qabul davomida fuqarolardan bogʻcha qurish, toza ichimlik suvi va suyultirilgan gaz balonga bogʻliq muammolar koʻrib chiqildi. Shuningdek, qabul davomida fuqarolarning dard-u tashvishlari eshitildi, vaqt, oʻrganish talab etiladigan masalalar ijrosi boʻyicha mutasaddi idora va tashkilotlarga tegishli topshiriqlar berildi.

“Аdolat”SDP Tayloq tuman Kengashi Matbuot xizmati.