Fuqarolar murojaati hamisha eʼtiborda

Xalq deputatlari Fargʻona tuman Kengashi kotibiyatiga fuqarolar tomonidan qilingan murojaatlar tezkorlik bilan manzilli tarzda oʻrganilmoqda. Oʻtgan davr mobaynida oʻnlab murojaatlarni ijobiy hal etilish choralari koʻrilgani fuqarolarning partiyamizga boʻlgan ishonchini yanada ortishiga sabab boʻlmoqda. Xuddi shunday murojaat tumandagi “Yoyilma”mahalla fuqarolar yigʻini hududida istiqomat qiluvchi bir guruh xotin-qizlardan kelib tushdi. Undan koʻzlangan maqsad, oilaviy byudjetini yaxshilash uchun ayollar farzandlarini uylariga yaqin boʻlgan bogʻchaga joylash orqali qoʻshimcha daromad olish istagida ekanliklarini , biroq u yerda farzandlarini bogʻchaga joylashtirish imkoniyati yoʻqligini bildirib yordam berishni soʻraganlar.

Ular arizasida maʼlum qilingan hududda yangi qurib bitkazilgan 41-sonli DMTT mavjud. Tashkilotda qoʻshimcha guruh ochilishi yuzasidan fuqarolarning qilgan murojaatlari boʻyicha hudud deputati Ozoda Dadajonova, tuman Kengashi kotibiyat mudiri Fayzullo Mirzaev, Oʻzbekiston “Adolat” SDP Fargʻona tuman Kengashi raisi Nodirbek Karimovlar birgalikda “Yoyilma” MFY hududida joylashgan 41-sonli DMTTda oʻrganish ishlarini olib bordilar.

Oʻrganish natijasida aniqlanishicha, hozirda DMTTda qoʻshimcha guruh ochilishi uchun xona mavjud. Xona stol-stullar, yotoqxona mebellari bilan jihozlangan, tuman SEO va JS boʻlimi tomonidan ham hech qanday qarshilik yoʻqligi haqidagi hujjatlar mavjud.

- Fargʻona tumanida “Adolat” SDP tuman Kengashiga xalqimizning ishonchi baland. Shu bois ham partiyaga murojaat qildik. Agar bogʻchada qoʻshimcha ish oʻrinlari tashkil etilsa, mavsumiy ishchi sifatida ish topolmay sarson yurgan oʻgʻlim Farrux Mamajonov ish bilan band boʻlishi, nabiram esa barcha bolalar qatori bogʻchada taʼlim tarbiya olish imkoniyati yaratiladi, — deydi “Yoyilma” mahalla fuqarolar yigʻini, Rohat koʻchasi, 81 uyda istiqomat qiluvchi onaxon Gulbahor Ahmedova.

Farzandlari kelajagiga befarq qaramagan ota-onalarning murojaatlari yuzasidan tegishli masʼullarga “Deputatlik soʻrov”i chiqarilishi boʻyicha kelishib olindi.

“Adolat” SDP
Fargʻona viloyat Kengashi Matbuot xizmati.