Fuqarolar oʻz takliflari inobatga olinganidan xursand

Yangi tahrirdagi Konstitutsiya mamlakatimizda ijtimoiy, huquqiy va chinakam xalqparvar davlatchilik sari tashlanayotgan dadil qadamlar uchun mustahkam asos vazifasini oʻtaydi. Chunki unda aholi farovonligini oshirish, inson huquq va manfaatlari, qadr-qimmatini yanada yuksaltirish va hayotning barcha sohalarini liberallashtirish boʻyicha puxta va keng miqyosli huquqiy kafolatlar mustahkamlangan.

Albatta bu huquqiy asoslar Yangi Oʻzbekiston taraqqiyotida yangi davrni boshlab beradi. Shu sabab jamoatchilik tomonidan Konstitutsiyaviy qonun loyihasi qoʻllab-quvvatlanmoqda. Jalaquduq tumanida Oliy Majlis Qonunchilik palatasi deputati Oltinoy Mamirova ishtirokida oʻtkazilgan tadbirda ham yuqoridagilar oʻz ifodasini topdi. Unda soʻz olgan xalq vakili Bosh Qonunimizga kiritilayotgan oʻzgartishlar yuzasidan ishtirokchilarga tushuncha berdi.

Oltinoy Mamirova, Oliy Majlis Qonunchilik palatasi deputati:

-30-aprelʼ kuni oʻtkaziladigan referendumda jalaquduqliklar faol qatnashishlariga ishonchim komil. Chunki uchrashuvlarda ular qonunchiligimizga kiritilayotgan oʻzgartishlardan xursandligini bildirmoqdalar. Asosiysi, yangilanayotgan Konstitutsiyamizni tayyorlashda xalqimizning takliflari inobatga olinganidan barcha xursand.

Toʻydixon Aliboyeva,
Oliy Majlis Qonunchilik palatasi deputati yordamchisi.