Fuqarolarning faolligi yuqori natijani ifodalaydi

Siyosiy maydonda xalqchil va hayotiy gʻoyalari bilan oʻz oʻrni va obroʻsiga ega boʻlgan “Adolat” SDP tashabbusi bilan joylarda Prezident saylovi oldidan oʻtkazilayotgan tadbirlar “adolatchilar”ning jamiyatda oʻz oʻrniga ega ekanliklarini koʻrsatmoqda. Qonun ustuvorligi va huquqiy demokratik jamiyat qurishga qaratilgan partiya gʻoyalari jamoatchilik tomonidan qoʻllab-quvvatlanmoqda.

Andijon tumanidagi koʻp tarmoqla poliklinikada partiyaning Prezidentlik saylovida ishtirokini qoʻllab-quvvatlab, imzo yigʻishga qaratilgan jarayonlar oʻzaro teng huquqlilikka asoslangani bilan ishtirokchilarda qiziqish uygʻotdi. Quvonarlisi, yaqinda oʻtkazilgan referendumda faol qatnashgan saylovchilar Prezident sayloviga ham eʼtiborli.Nomzodlar bilan qiziqish barobarida amaldagi qonunchiligimizga kiritilgan oʻzgartishlarni oʻrganmoqdalar. Inson, uning huquqlari, erkinliklari va qonuniy manfaatlari doim himoyada ekanligini qoʻllab-quvvatlanmoqda.

Maloxatxon Musayeva, “Adolat” SDP Andijon viloyat kengashi raisi oʻrinbosari:

–Imzo yigʻish jarayoni fuqarolar siyosiy partiyalarni qay darajada bilishlarini ham oʻzida ifodalamoqda. Chunki Prezidentlik saylovining muhim bosqichi boʻlgan bu jarayonda u yoki bu siyosiy partiya gʻoyalarini qoʻllab-quvvatlaydigan, uning saylovda muvaffaqiyatli ishtirok etishiga munosib hissa qoʻshish tarafdori boʻlgan fuqarolar faol ishtirok etadi. Bugun Andijon tumanida yashovchilar tadbirda faol ishtirok etish orqali biz bilan bir safda ekanliklarini koʻrsatdilar.

Imzo yigʻish tadbirlari davom etmoqda.

“Adolat” SDP Andijon viloyat kengashi

Matbuot xizmati.