Halollik vaksinasi — taraqqiyot garovi

“Adolat” SDP Furqat tuman Kengashi hamkor tashkilotlar bilan birgalikda “Ardaxshon” mahalla fuqarolar yigʻini hududida joylashgan “Furqattumangaz” filialida   “Halollik vaksinasi — taraqqiyot garovi” loyihasi doirasida tadbir oʻtkazildi.

Tadbirda filial masʼullarining fuqarolar bilan oʻzaro munosabatlari, muomalalari va ish jarayonlari yuzasidan jamoat nazorati oʻtkazildi.

— Har kuni idoramizga koʻplab fuqarolarimiz gaz taʼminoti va hujjatlarni yuritish tartibi masalalarida murojaat qilib kelishadi. Ularni ochiq chehra bilan kutib olib, imkon darajasida muammolarini tezlik bilan hal etishga koʻmaklashamiz. Xodimlarimiz halollik va xushmuomalalik bilan xizmat qilib, xalqimizning duosini olib kelmoqdalar, — deydi yetakchi mutaxassis Gulnozaxon Mahmudjonova.

Oʻzbekiston “Adolat”SDP Furqat tumani Kengashi raisi Nodirjon Olimov filialda 2023-2024 yillar kuz-qish jarayonlariga tayyorgarlikni borishi boʻyicha maʼlumotlar bilan tanishdi. Filial xodimlari bilan yuzma –yuz muloqotda inson qadri ulugʻlangan yurtda halol mehnat qilish insoniy fazilat ekanligini yana bir bor jamoa ahliga uqtirib oʻtildi.

“Adolat” SDP

Fargʻona viloyat kengashi Matbuot xizmati.