Hamisha ardogʻimizdasiz, aziz bolajon!

“Аdolat” SDP Fargʻona viloyat Kengashi Oʻzbekiston nogironlar assosiatsiyasi Fargʻona viloyat hududiy boʻlimining doimiy hamkori va koʻmakchisi sanaladi. 1-iyun Xalqaro Bolalarni himoya qilish kuni munosabati bilan Fargʻona shahri markazidagi “Palma” kafesida viloyatimizdagi eʼtibor va koʻmakka muhtoj oʻgʻil –qizlar uchun tashkil etilgan bayram shodiyonasi partiya faollari va deputatlar ishtiroki bilan yanada koʻtarinki ruhda boʻlib oʻtdi.

Unda soʻz olgan “Аdolat” SDP Fargʻona viloyat Kengashi raisi Shahnoza Gʻaniyeva mamlakatimizda yosh avlod taʼlim tarbiyasiga, ayniqsa, imkoniyati cheklangan dilbandlarimizga hukumatimizning gʻamxoʻrligi va eʼtibori, ularni hech kimdan kam boʻlmagan holda taʼlim olishlari va oʻzlari tanlagan kasb- kor egasi boʻlishlari uchun yaratilayotgan cheksiz imkoniyatlar haqida soʻz yuritar ekan, barcha ishtirokchilarni bugungi shodiyona bilan qutlab, bayram sovgʻalarini ulashdi.

Toʻkin dasturxon atrofida baxtiyorlik onlariga hamdam boʻlgan bolajonlar uchun yangragan kuy–qoʻshiqlar, raqslar hayotlaridagi eng unutilmas lahzalarga aylandi.

“Adolat” SDP
Fargʻona viloyat kengashi Matbuot xizmati.