Hamjihat va birdam boʻlib ishlaymiz

Qarshi shahrida Oʻzbekiston “Adolat” SDP Qashqadaryo viloyat tashkilotining konferensiyasi boʻlib oʻtdi. Unda deputatlar, faollar, faxriylar, tuman, shahar Kengashlari raislari, “Yosh adolatchilar” qanoti, Xotin qizlar kengashi aʼzolari, anjumanga saylangan delegatlar va ommaviy axborot vositalari xodimlari ishtirok etdi.

Kun tartibidagi Oʻzbekiston “Adolat” sotsial demokratik partiyasining navbatdagi Qurultoyiga delegatlarni saylash toʻgʻrisida” gi masala yuzasidan partiya viloyat Kengashi raisi Ruiddin Raupov maʼruza qildi.

 -Oʻtgan vaqt mobaynida viloyat partiya tashkilotlari sermahsul faoliyat olib bordi,-dedi Ruiddin Raupov.- Ular tomonidan ijtimoiy, siyosiy. Huquqiy va boshqa sohalarga oid 400 dan ortiq davra suhbatlari, seminarlar, uchrashuvlar tashkil etildi. Partiya tashkilotlarimiz tashabbusi bilan oʻtkazilgan har bir tadbir orqali “Adolat” SDPning faoliyat dasturi, maqsad va vazifalari hamda gʻoyalari bilan fuqarolar muntazam tanishtirib borildi. Shuni alohida taʼkidlash kerakki biz barcha ishlarimizni partiyamizning ustavi va faoliyat dasturida ilgari surilgan talab hamda vazifalarga mos holda tashkil etdik. Barcha partiya tashkilotlarida intizomni mustahkamlashga, kadrlarni tanlash tarbiyalash va joy –joyiga qoʻyishga yetarli eʼtibor qaratdik. Shu tufayli ham partiya aʼzolari soni har yili 20-30 foizga oʻsib, bugungi kunga kelib jami 50 ming nafarga yetdi. BPT lar soni ham 400 tani tashkil etdi. Biz bundan keyin ham koʻproq eʼtiborni targʻibot-tashviqot tishlariga qaratamiz. Albatta hali qiladigan ishlarimiz koʻp. Barcha faollarimiz bilan bahamjihat ish yuritib, xato va kamchiliklarimizni chuqur tahlil qilib, boʻlajak saylovlarni har tomonlama namunali oʻtkazamiz.

Maʼruzachi qayd etganidek, yangi Oʻzbekistonda milliy davlatchilik tizimini shakllantirish, yangi Konstitutsiyani aholi orasida keng targʻib etish, demokratik va huquqiy davlat asoslarini barpo etish muhim vazifa hisoblanadi. Shuni unutmaslik kerakki, bugungi kunda faqat xalq irodasi, fuqarolarning oʻtkazilayotgan islohotlarga faol munosabati orqaligina mamlakatni yangilash mumkin. Shu narsaning oʻzi partiya faollaridan masʼullikni talab etadi.

Bu yil partiya oldida ulkan va masʼuliyatli tashkiliy partiyaviy ishlar turibdi. Hozir tuman, shahar, viloyat Kengashlarida Konferensiyalar yakunlanayotgan boʻlsa. Undan soʻng Oʻzbekiston Respublikasi Prezidentligiga saylov jarayoni kutmoqda. Partiyaning ushbu yirik tadbirlari barcha kuchlarni safarbar etish, siyosiy kuch tizimlarida ishni puxta tashkillashtirish, partiya aʼzolarining sobitlik bilan faoliyat koʻrsatishlarini talab qiladi.

Konferensiyada partiya Siyosiy Kengashining navbatdagi Qurultoyiga viloyat partiya tashkilotlaridan delegatlar saylandi.

Kun tartibidagi masala boʻyicha konferensiyaning qarori qabul qilindi.

Anjuman soʻngida “Adolat” SDP gʻoyalariga sodiq, siyosiy jihatdan yetuk, bilimdon, tashabbuskor, fidokor, qolaversa partiya saylovoldi dasturida belgilangan vazifalarni keng targʻibot tashviqot qilishda alohida namuna koʻrsatgan faollarga faxriy yorliq va mukofotlar topshirildi.

 “Adolat”SDP

Qashqadaryo viloyat Kengashi Matbuot xizmati.